(இஸ்லாம் அல்லாத நடத்தைகளைப் பின்பற்றிச் செல்லும்) அரபுகளின் குளிர்காலமும், அநீதிக்கு எதிரான கிளர்ச்சியும்

 24 மே 2024~ 15 துல் கஃதா 1445ஹி

உலகெங்கிலும் உள்ள தனது அனைத்து ஸஹாபாக்கள் மற்றும்‌ அனைத்து முஸ்லீம்களுக்கும் இஸ்லாத்தின் அமைதிக்கான வாழ்த்தாகிய ஸலாத்தினைத் தெரிவித்த பிறகு, கலீபத்துல்லாஹ்(அய்) அவர்கள் தஷஹ்ஹுத், தவூஸ் மற்றும் சூரா அல்-ஃபாத்திஹா ஆகியவற்றை ஓதிய பிறகு, அரபு நாடுகளின் துயரமும், அநீர்திக்கு எதிரான கிளர்ச்சியும் என்ற தலைப்பில் தனது குத்பாவை வழங்கினார்கள்.

Read More

இஸ்லாம் அல்லாத நடத்தைகளைப் பின்பற்றிச் செல்லும்) அரபுகளின் குளிர்காலமும், அநீதிக்கு எதிரான கிளர்ச்சியும்

24 மே 2024~ 15 துல் கஃதா 1445ஹி

உலகெங்கிலும் உள்ள தனது அனைத்து ஸஹாபாக்கள் மற்றும்‌ அனைத்து முஸ்லீம்களுக்கும் இஸ்லாத்தின் அமைதிக்கான வாழ்த்தாகிய ஸலாத்தினைத் தெரிவித்த பிறகு, கலீபத்துல்லாஹ்(அய்) அவர்கள் தஷஹ்ஹுத், தவூஸ் மற்றும் சூரா அல்-ஃபாத்திஹா ஆகியவற்றை ஓதிய பிறகு, அரபு நாடுகளின் துயரமும், அநீர்திக்கு எதிரான கிளர்ச்சியும் என்ற தலைப்பில் தனது குத்பாவை வழங்கினார்கள்.

Read More

மேற்கத்தியமயமாகும் (இஸ்லாமிய) உம்மத்

11 நவம்பர் 2022 ~16 ரபிய்யுல் ஆஹிர் 1444ஹி

உலகெங்கிலும் உள்ள தனது ஸஹாபாக்கள் (மற்றும் அனைத்து முஸ்லீம்களுக்கும்) ஸலாத்தினைத் தெரிவித்த பிறகு ஹஸ்ரத் அமீருல் மூஃமினீன் முஹையுத்தீன் அல் கலீஃபத்துல்லாஹ் (அய்தஹு) அவர்கள் தஷ்ஹுது, தவ்வூத் மகற்றும் சூரா அல் ஃபாத்திஹாவை ஓதினார்கள். பிறகு 'மேற்கத்தியமயமாகும் உம்மத்' என்ற தலைப்பின் கீழ் தனது ஜும்ஆ உரையை வழங்கினார்கள்.

எல்லாம் வல்ல அல்லாஹ்வின் பேருளால், நபி பெருமானார் ஹஸ்ரத் முஹம்மது ரசூலுல்லாஹ் (ஸல்) அவர்கள் மதீனாவிற்கு ஹிஜ்ரத் - நாடு துறந்து சென்றவர்களிடம் உரையாற்றிய ஹதீஸ் குறித்த எனது கடந்த வார விளக்கத்தில் இருந்து எனது குத்பாவைத் தொடர்கிறேன்: “நீங்கள் சோதிக்கப்படும் ஐந்து விஷயங்கள் உள்ளன, உங்களது வாழ்வில் அவைகளை காணாமல் இருக்க நான் அல்லாஹ்விடம் பாதுகாவல் தேடுகிறேன்: எந்த சமுதாயத்தில் மானக் கேடானவை பரவலாகிவிடுமோ அப்போது முன்னர் கேள்விப்படாத "காலரா" போன்ற புதுமையான நோய்கள் பரவும்.

அளவு, நிறுவைகளில் குறைபாடு செய்பவர்களுக்கு பஞ்சம், சிரமம் ஏற்படும். மேலும், அநியாயக்கார அரசன் சாட்டப்படுவான். ஜகாத் கொடுக்காமல் தடுத்து வைத்துக் கொண்டால் வானிலிருந்து வரும் மழை அவர்களுக்கு தடுக்கப்படும். மிருகங்கள் மட்டும் இல்லையெனில் அவர்களுக்கு அறவே மழை பொழியாது. அல்லாஹ் மற்றும் அவனது தூதருடன் செய்து கொண்ட வாக்குறுதியை முறித்துவிட்டால் அவர்கள் மீது அல்லாஹ் விரோதிகளை சாட்டிவிடுவான். அவர்களிடமுள்ளதை விரோதிகள் கைப்பற்றிக் கொள்வார்கள்.

அல்லாஹ்வின் வேதத்தின்படி இல்லாமல் தங்களின் மனோ இச்சைபடி தலைவர்கள் தீர்ப்பு வழங்கினால் அல்லாஹ் அவர்களுக்கிடையே சண்டை சச்சரவுகளை ஏற்ப்படுத்திவிடுவான். (இப்னுமாஜா)

மேற்கத்திய நாடுகள் மிக நீண்ட காலமாக இஸ்லாத்தை ஒரு பலிகடாவாக எடுத்துக் கொண்டன. [அதன் மூலம் அவர்கள் இஸ்லாத்தின் மீது அதிகமான பழிகளைச் சுமத்தி, இன்றைய சமூகத்தில் உள்ள அனைத்து தீமைகளுக்கும் இஸ்லாமே காரணம் என்று கூறுகிறார்கள்] மேலும், முஸ்லிம்களை தங்களின் தேவைகளுக்குப் பயன்படுத்தி கொள்கின்றனர். [அதாவது. நம் காலத்தில் இந்த தற்காலிக உலகில் அவர்கள் விரும்பும் அனைத்தும்]. இஸ்லாம் இப்படித்தான், இஸ்லாம் அப்படித்தான் [என்று ஒரு மோசமான வழியில் ] அல்லாஹ்வின் தூய மார்க்கத்தின் மீது சேற்றைவாரி வீசுகிறார்கள். இஸ்லாம் உலகில் மீண்டும் ஆதிக்கம் செலுத்திவிடுமோ என்ற அச்சத்தில் இஸ்லாத்தின் இருப்பு அவர்களை நடுங்க வைக்கிறது. ஆனால், அவர்கள் அஞ்சுவதுபோல் இன்ஷா அல்லாஹ் நிகழ்ந்து விடும். ஆயினும் அது அவர்கள் பார்க்கின்றவாறான ஒரு

தீய வழியிலும் அல்லது அவர்கள் பொய்யாக சித்தரிக்கும் சாபக் கேடான ஒன்றாகவும் இருக்காது.

அவர்கள் இஸ்லாத்தை சாபக் கேடாகப் பார்க்கின்ற அதே வேளையில், இந்த அழகிய மார்க்கமே உண்மையில் அவர்களின் இரட்சிப்பாகும். [மேலும் தூய்மையான உள்ளம் கொண்டவர்களை சொர்க்கத்திற்கு அழைத்துச் செல்லும்]. ஆயினும் அவர்கள் இன்னும் அறியாதவர்களாகவே உள்ளார்கள். [இஸ்லாமோஃபோபியா - இஸ்லாம் அல்லது முஸ்லிம்களுக்கு எதிரான தப்பெண்ணமானது அவர்களது மனதை அச்சத்துடன் ஆக்கிரமித்துள்ளதால் இந்த உண்மையை அவர்கள் இன்னும் அறியாதவர்களாகவே உள்ளனர்].

அவர்களின் கண்ணோட்டத்தை தடுத்துவைத்துள்ள கண்மூடித்தனமானவை அவர்கள் உண்மையை புரிந்து கொள்வதிலிருந்தும் தடுத்துவைத்துள்ளது.

இஸ்லாத்தின் அமைதி அவர்களை வெற்றி கொள்ளும். இஸ்லாத்தின் வசந்த காலம் இந்த உலகில் உள்ள தூய ஆன்மாக்களின் வாழ்வில் புதிய தொரு நாளைக் கொண்டுவரும்.

அரபு மக்கள் தங்கள் அரசாங்கங்களுக்கு எதிராக கிளர்ச்சி செய்த, மேலும் அதற்காக அவர்களின் அடக்குமுறை செய்யும் தலைவர்களை வீழ்த்திட மேற்கத்திய நாடுகளின் பெயரளவிலான உதவியை பெற்ற "அரபு வசந்தம்" (என்ற என்றழைக்கப்பட்ட பெயருடன்) இதனை குழப்பிக் கொள்ள கூடாது. அதே நேரத்தில் மேற்கத்திய நாடுகளோ தங்கள் சமூகத்தை, அவர்களது உலகின் (கொள்கையில்) இருந்தும் விலக்கி மற்றுமொரு வடிவில் மூழ்கடித்துள்ளன. அவர்கள் நேரான பாதையில் இருந்தும் விலகிச் சென்றுள்ள ஒரு சமூகமாகும்.

ஆகவே, முஸ்லிம்கள் இஸ்லாத்தைப் பின்பற்றுவதை விட்டு விட்டு, மேற்கத்திய (நாகரீகத்தின்) பழக்கவழக்கங்களைப் பின்பற்றி, அதன்மூலம் அவர்களைப் போன்ற (எந்த) கட்டுப்பாடுகள் இல்லாமலும், இறைத் தண்டனைகள் குறித்து எந்த அச்சமும் இல்லாமல் சுதந்திரமான வாழ்க்கை அவர்களால் வாழ முடியும் என்பதனை அவர்கள் விரும்புகிறார்கள். அல்லாஹ்வின் பாதையில் இருந்து விலகிச் செல்லும் இத்தகைய விலகல்கள் மற்றும் மேற்குலகத்தின் நவீனப் போக்குகளை கடை பிடித்தல் போன்றவை இறை கோபத்தையும் தண்டனையையும் கொண்டு வரும் என்பதில் எந்த சந்தேகமும் இல்லை.

கடந்த வாரம் நான் உங்களிடம் கூறியதைப் போல், பெரும்பான்மையான அரேபியர்கள் முஸ்லிம்கள் என்பதற்காக அமெரிக்கா அரபு உலகத்தையே கவிழ்க்க விரும்புகிறது. அவர்கள் இஸ்லாத்தை கொஞ்சம் கொஞ்சமாக [விஷத்துளிகளை செலுத்துவதை போன்று] அழிக்க விரும்புகிறார்கள்.

பாலஸ்தீனம் போன்ற முஸ்லீம் நாடுகளை வலுவிழக்கச் செய்ய அவர்கள் கையாளும் அனைத்து வகையான உத்திகளும், உலகில் இஸ்லாம் மேலாதிக்கம் பெற்று விடும் - மேலான ஆட்சி செய்யும் - என்று அவர்கள் பயப்படு அஞ்சுவதே இதற்குக் காரணம் ஆகும்.

இஸ்லாம் ஆயுதங்களைக் கொண்டல்லாமல் "சர்வவல்லமையுள்ள இறைவனின் தூய இறை வெளிப்பாடுகள் உண்மையான நம்பிக்கையாளர்கள் தங்கள் காலத்து அல்லாஹ்வின் தூதர்களுக்குக் கீழ்ப்படிதல் அவர்களின் அன்றாட வாழ்வில் குர்ஆனின் போதனைகளை உயிர்ப்பித்தல் ஆகியவற்றைக் கொண்டு இஸ்லாம் வெற்றி பெறும் காலமே இஸ்லாத்தின் வசந்த காலம் ஆகும்" இன்ஷா அல்லாஹ்!

இந்த (வசந்த காலத்தின்)வருகையின் மீது நம்பிக்கை வைப்பது முக்கியத்துவம் வாய்ந்ததாகும். ஏனெனில், இஸ்லாம் என்பது எல்லாக் காலங்களிலும் [இவ்வுலகில் மட்டுமல்ல, மறுமையிலும்] நிலைத்திருக்கக் கூடிய உயிருள்ள மார்க்கம் ஆகும். இன்று இஸ்லாத்தின் மீது எல்லா இடங்களில் இருந்தும் தாக்குதல் தொடுக்கப்படுகிறது.

இது மிகவும் தவறாக புரிந்து கொள்ளப்பட்ட மார்க்கம் ஆகும், இருப்பினும் (துருக்கி, பாலஸ்தீனம் மற்றும் பிற முஸ்லீம் நாடுகளில் உள்ளவர்களாக இருக்கட்டும். அதே போல் இஸ்லாம் அல்லாத நாடுகளில் உள்ள முஸ்லிம்களாக இருப்பினும் சரி இந்த உம்மத்தின் பல உண்மையான மற்றும் நேர்மையான தன்னார்வலர்களின் ஒருங்கிணைந்த முயற்சியைக் கொண்டு இஸ்லாத்தின் இறுதி வெற்றிக்காக இறைத்தூதர் முஹம்மது (ஸல்) அவர்களின் அணியில் பலரும் இணைந்துள்ளனர். அல்ஹம்துலில்லாஹ். ஆனால், நான் கூறியது போல் இஸ்லாத்தை மேற்கத்திய நாடுகளைப் போன்று நினைக்கவும், கருதவும் கூடாது. இது கீழகத்திய (நாடுகளை சார்ந்ததும்) அல்ல மேற்கத்திய (நாடுகளை சார்ந்ததும்) அல்ல. இந்த உலகத்தில் மக்கள் எங்கு வாழ்ந்தாலும், நிச்சயமாக இது அவர்கள் அனைவருக்குமான உண்மையான வாழ்க்கை வழிமுறையாகும்.

முழு உலகமும் அல்லாஹ்வின் படைப்புகளாகும். அது அமெரிக்காவாக இருந்தாலும் சரி, ரஷ்யாவாக இருந்தாலும் சரி, அல்லது வேறு எந்த நாடாக இருந்தாலும் சரி இவ்விஷயத்தில் சொந்தமாக்கி உரிமை கொண்டாட முடியாது. ஏனெனில், அவர்களே அல்லாஹ்வின் அடிமைகள் மட்டுமே. ஆனால், அல்லாஹ் அவர்களின் இறைவனாக இருக்கும்போது, ​​இரு உலகங்களிலும் உள்ள உண்மையான வெற்றி அல்லது தங்களின் அழிவுக்குரிய அடக்கஸ்தளத்தை தாங்களே தோண்டி கொள்ளுதல் ஆகியவற்றின் வழியை வகுக்கக் கூடிய சுதந்திரத்தையும் அவன் அவர்களுக்கு வழங்கியுள்ளான்.

இன்று முஸ்லிமல்லாதவர்கள், குறிப்பாக உண்மையான அரசியலை அறியாமல் சுயமாக உருவான அரசியல்வாதிகள் முஸ்லிம்களின் வாழ்வில் பயங்கரத்தை பரப்பி வருகின்றனர். இஸ்லாத்தை நவீனமயமாக்கல் மற்றும் மேற்கத்தியமயமாக்கல் என்பதன் பக்கம் அவர்களை ஈர்ப்பதற்காக முஸ்லிம்களின் இன்றைய தலைமுறையில் இப்படியான குழப்பத்தை அவர்கள் ஏற்படுத்த முயற்சிக்கின்றனர்.

இன்றைய புதிய தலைமுறையினர், ஒரு ஆண் மற்றொரு ஆணை திருமணம் செய்துக் கொண்டு குழந்தையை தத்தெடுக்கலாம் அல்லது மருத்துவ ரீதியாக ஒரு குழந்தையைப் பெற்றெடுக்கலாம். ஆனால், சர்வ வல்லமையுள்ள இறைவனின் (இயற்கை மார்க்கத்தின்) கட்டளைகளுக்கு கீழ்படியாமல் இருத்தலை பழைய ஏற்பாட்டிலோ, புதிய ஏற்பாட்டிலோ, திருக்குர்ஆனிலோ அதே போன்று வேறு எந்த புனித வேதங்களிலோ காணப்பட்டாலும் சரி, ஏதோ ஒரு வகையில் அந்த சமூகத்திற்குப் பின்னடைவை ஏற்படுத்தும்.

சோதோம், கொமோரா போன்ற கீழ்ப்படியாத தேசங்களின் அழிவைப் பற்றி நாம் படித்திருக்கிறோம், கேள்விப்பட்டிருக்கிறோம். லூத் நபி (அலை) அவர்களிடம் (மக்களிடம்) கடுமையாக நடந்து கொள்ளவில்லை, ஆனால் அவர்கள் தமக்குத் தாமே கடுமையாக நடந்து கொண்டனர்.

முஸ்லீம்களாக இருப்பதனால் அல்லாஹ்வின் விருப்பத்திற்கும் கட்டளைகளுக்கும் ஏற்றவாறு இல்லாமல் இருக்கும் ஓரினச்சேர்க்கையாளர்களை, அனைத்து பாலின ஈர்ப்புடையவர்களை, திருநங்கைகளை, அல்லது வேறு எந்த பாலின அடையாளம் உடையவர்களையும் கொல்லத் தொடங்க வேண்டும் என்ற பொருள் அல்ல. மாறாக, அவர்களுக்கு உண்மை தூய்மை மற்றும் இரட்சிப்பின் செய்தியை வழங்குவதும் மேலும் அவர்களின் காமம் மற்றும் சரீர இச்சைகளை அவர்களுக்கு உண்மையில் எது அனுமதிக்கப்பட்டுள்ளது அல்லது எது அனுமதிக்கப்படவில்லை என்ற உண்மையான பகுத்தறிவுடன் அவர்களை சிந்திக்கச் வைக்க வேண்டும் என்பதே இதன் பொருளாகும். இந்த மக்கள் மனிதர்களாக இருந்த போதிலும், அல்லாஹ்வின் சட்டத்தை ஏற்றுக் கொள்ள வற்புறுத்த முடியாது. ஆயினும்கூட, குடும்ப வாழ்க்கை மற்றும் குடும்ப அழகுகள் குறித்து விளக்கம் அளிக்க வேண்டும். மேலும் ஊடகங்கள் அனைவரின் மனதிலும், குறிப்பாக சிறு குழந்தைகளின் உள்ளத்தில் தவறான விஷயங்களை திணிக்க முயற்சிக்கிறது.

எது சரி, எது தவறு என்பதற்கு இடையே ஒரு எல்லை கோடு இருக்க வேண்டும். மேலும், இன்றைய காலத்தில் பள்ளிப் பாடத்திட்டத்தில் இது நெறிப்படுத்தப்பட்டு இயல்பாக்கப்பட்டு வரும் காரணத்தால் இவை அனைத்தும் சாதாரணமானவை என்று நினைக்கக் கூடிய புதிய தலைமுறையினரை குழப்பிவிடும். ஆனால் அது சாதாரணமானவை அல்ல என்பதால் சிறுவயதிலேயே தங்கள் குழந்தைகளுக்கு இதைக் கற்றுக்கொடுப்பது இன்றைய முஸ்லிம் பெற்றோர்களின் கடமையாகும்.

இஸ்லாமியக் கண்ணோட்டத்தின் படி, முரட்டுத்தனமாக அல்லாமல் உண்மையான முஸ்லிம்களாக இருப்பதன் மூலம் சமூகத்தில் உள்ள அந்த கடினமான கேள்விகளையும் சூழ்நிலைகளையும் எதிர்கொள்ள குழந்தைகள் இன்று நன்கு தயார் செய்யப்பட்டிருக்க வேண்டும்.

இந்த அடிப்படை போதனைகளை பெற்றோர்கள் வழங்க வேண்டும். ஏனெனில், ஆசிரியர்கள் தங்கள் குழந்தைகளுக்கு இஸ்லாம் அல்லாத இன்னும் வேறு எந்த மார்க்கத்தின் மத வரையறையின் படியும் அல்லாத இன்றைய சமூகத்தின் அத்தகைய அம்சங்களை கற்றுக் கொடுக்க பள்ளி பாடத்திட்டத்தின் மூலம் கட்டாயப்படுத்தப்படுவார்கள்.

அனைத்து நம்பிக்கைகளும் அவற்றின் தோற்றத்தில் உண்மையானதாக இருந்தன, ஆனால் கருத்து வேறுபாடுகள் மற்றும் இறைவனின் வார்த்தைகளின் இடைச்செருகல்கள் காரணமாக, இஸ்லாம் தோன்றி அனைத்து மனிதகுலத்திற்கும் இறுதி வழிகாட்டுதலாக திருக் குர்ஆனை முன்வைக்கும் வரை இந்த நம்பிக்கைகள் அவற்றின் போதனைகளை இழந்தன.

எனவே, இன்று நாம் வாழும் சமூகம் ஒழுக்கக்கேட்டில் ஆழமாக சிக்கிக் கொண்டிருப்பதால், குழந்தைகளின் ஆன்மீகக் கல்வியே மூலதனமாகவும் முக்கியத்துவம் வாய்ந்ததாகவும் உள்ளது. அனைத்து சமூகங்களும், அரபு நாடுகளும் கூட மேற்கத்தியமயமாக்கப்பட்டுள்ளன.

முஸ்லிம்கள் பெயருக்கு மட்டுமே முஸ்லீம்களாக இருக்கிறார்கள். அவர்களில் பெரும்பாலோர் நாத்திகர்களாகவோ அல்லது மார்க்கத்தை நடைமுறைப்படுத்தாத வெற்று முஸ்லிம்மக்களாக மட்டுமே இருக்கின்றார்கள்.

அல்லாஹ் (தபாரக்), திருக்குர்ஆனில் இவ்வாறாக கூறுகிறான்: அவர்கள் தங்கள் உள்ளங்களில் இல்லாததைக் தங்கள் நாவுகளால் கூறுகின்றனர். (அல்-ஃபாத் 48:12)

அரேபிய உலகம் மேற்கத்திய நாடுகளுக்குத் தன்னை எவ்வாறு வெளிப்படுத்துகிறது என்பதை நாம் பார்க்கும்போது, ​​ நபிகள் நாயகம் ஹஸ்ரத் முஹம்மது முஸ்தஃபா (ஸல்) அவர்கள் முன்னறிவிக்கப்பட்ட தஜ்ஜாலின் இன்னல்கள் பற்றி நமக்கு நினைவுக்கு வருகிறது.

அதே வேளையில் சில நவீன வசதிகளானவை பாவங்கள் அல்ல, ஆனால், அவற்றுள் சினிமா அரங்குகள், சூதாட்டம், ஹாலோவீன் பார்ட்டிகள் மற்றும் தங்கள் நாடுகளை மேற்கத்திய நாடுகளுக்கு தோழமையாக காட்டுவதற்காக உள்ள மற்ற கவர்ச்சி போன்ற தீமைகளும் மேலும் அவர்களின் ஆடை அணியும் முறையும் இஸ்லாத்தின் அடிப்படை போதனைகளுக்கு எதிரானதாக உள்ளன. இது வருந்தத்தக்கதாகும். என்னவென்றால், ஹஸ்ரத் முஹம்மது முஸ்தஃபா (ஸல்) அவர்களின் அந்த முன்னறிவிப்புகளை அறிந்திருந்தும், ஹஸ்ரத் முஹம்மது நபி (ஸல்) அவர்கள் கூறியது போலவே, மேற்குலக மக்களின் போக்குகளை அவர்கள் தொடர்ந்து பின்பற்றுகிறார்கள்.

அல்லாஹ்வின் தூதர் (ஸல்) அவர்கள் கூறியதாக அபு சயீத் அல்-குத்ரி அறிவித்தார்கள்:

"உங்களுக்கு முன்னிருந்தவர்களின் வழிமுறைகளை நீங்கள் ஜாணுக்குச் ஜான் முழத்துக்கு முழம் பின்பற்றுவீர்கள். எந்த அளவுக்கென்றால், அவர்கள் ஓர் உடும்பின் பொந்துக்குள் நுழைந்தால் கூட நீங்கள் அவர்களைப் பின்பற்றி நுழைவீர்கள்" என்று அல்லாஹ்வின் தூதர் (ஸல்) அவர்கள் கூறினார்கள்.

நாங்கள், "அல்லாஹ்வின் தூதரே! ("நாங்கள் பின்பற்றக்கூடியவர்கள்") யூதர்களையும் கிறித்தவர்களையுமா?" என்று கேட்டோம். அதற்கு அல்லாஹ்வின் தூதர் (ஸல்) அவர்கள், (அந்த இரண்டு மதத்தை தவிர) "வேறு யாரை?" என்று (திருப்பிக்) கேட்டார்கள். (புகாரி, முஸ்லிம்)

தற்போது நான் இங்கே நிறுத்திக் கொள்கிறேன். இன்ஷா அல்லாஹ், நான் இதே விஷயத்தை அடுத்த வாரம் தொடர்கிறேன். அல்லாஹ்வின் வழி உண்மையில் மகத்தானவை ஆகும். அவன் தனது ஒளியைத் தேடுபவர்களை இருளிலிருந்து வெளிச்சத்திற்குக் கொண்டுவருகிறான். மேலும், தீமை செய்பவர்களைப் பொறுத்தவரை, தண்டனை அவர்களை வந்தடையும் முன்பு அவர்கள் மனந்திரும்புவதற்கும் தங்களை சீர்திருத்துவதற்கும் போதுமான அவகாசத்தை வழங்குகிறான். இன்ஷா அல்லாஹ், ஆமீன்.

Read More

அல்லாஹ்வும் அவனால் தேர்ந்தெடுக்கப்பட்டவரும்

05 ஜூலை 2024~28 துல் ஹஜ் 1445ஹி

உலகெங்கிலும் உள்ள தனது அனைத்து ஸஹாபாக்கள் மற்றும்‌ அனைத்து முஸ்லீம்களுக்கும் இஸ்லாத்தின் அமைதிக்கான வாழ்த்தாகிய ஸலாத்தினைத் தெரிவித்த பிறகு, கலீபத்துல்லாஹ்(அய்) அவர்கள் தஷஹ்ஹுத், தவூஸ் மற்றும் சூரா அல்-ஃபாத்திஹா ஆகியவற்றை ஓதிய பிறகு, ‘அல்லாஹ்வும் அவனால் தேர்ந்தெடுக்கப்பட்டவரும்’ என்ற தலைப்பில் தனது குத்பாவை வழங்கினார்கள்.

அல்லாஹ் எப்போதும் நித்தியமானவனும், நிலைத்திருப்பவனும், தன்னில் பரிபூரணமானவனும் ஆவான். மனிதர்களில் மாற்றங்கள் ஏற்படுகின்றன. [ஆனால், அல்லாஹ்விடத்தில் மாற்றங்கள் ஏற்படுவதில்லை]. மனிதன் சிறப்புமிக்கவனாக மாறும்போது, அவனுக்கு இறைவன் ஒரு புதிய வெளிப்படுத்துதலுடன் தன்னைத் தானே வெளிப்படுத்துகிறான். மனிதன் [இறைவனின் பக்கம் நெருக்கமாக்கி வைக்கக் கூடிய ஆன்மீகத்தில்] முன்னேறும் போது இறைவன் அவனிடத்தில் ஓர் உயர்ந்த வெளிப்படுத்துதலுடன் தன்னை வெளிப்படுத்துகிறான். மனிதன் ஒரு அதிசயமான மாற்றத்திற்கு ஆளாகும்போது இறைவன் தனது சக்தியையும் மகிமையையும் அற்புதமாக வெளிப்படுத்துகிறான். இதுவே அதிசயங்கள் மற்றும் அற்புதங்களின் வேராகும்.

நமது சர்வவல்லமையுள்ள இறைவனாகிய அல்லாஹ் மிகவும் உண்மையுள்ள இறைவன் ஆவான். மேலும் அவன் அற்புதமான செயல்களை [அவனுடைய அடையாளங்கள் மற்றும் வெளிப்படுத்துதல்கள் ஆகியவற்றை] அவனிடம் விசுவாசமாக இருப்பவர்களிடம் வெளிப்படுத்துகிறான். இந்த உலகம் அவர்களை விழுங்கிவிட விரும்புகிறது, எதிரிகள் அவர்களைப் பார்த்து (தங்கள்) பற்களைக் கடித்துக் கொள்கின்றனர், ஆனால் அவர்களின் நண்பனாக இருக்கக்கூடிய அல்லாஹ்வாகிய அவனே அவர்களை அனைத்து ஆபத்துகளிலிருந்தும் காப்பாற்றி, அனைத்து விஷயங்களிலும் அவர்களை வெற்றிபெற வைக்கின்றான். அல்லாஹ்வை உறுதியாகப் பற்றிப் பிடித்துக் கொண்டதன் பின்னர் அத்தகைய நம்பிக்கையாளர்கள்: 

"நாங்கள் அவன் மீது நம்பிக்கை வைத்துள்ளோம். நாங்கள் அவனை அடையாளம் கண்டு கொண்டோம். அவனே அனைத்து உலகங்களின் இறைவன் ஆவான்” என்று கூறுகின்றனர்.

அல்லாஹ்வுடைய தூதரின் சகாப்தத்திற்கு சாட்சிபகர்பவர் இரு மடங்கு அருளுக்குரியவர் ஆவார். இறைத்தூதர் முஹம்மது முஸ்தஃபா (ஸல்) அவர்களுக்குப் பிறகு, எவரும் ரூஹுல் குத்தூஸ் - பரிசுத்த ஆவியுடன் உலகிற்கு மற்றொரு ஷரீயத் சட்டத்தையும், மற்றொரு குர்ஆனையும் ஒருபோதும் கொண்டு வரப் போவதில்லை.இஸ்லாம் தான் இறுதி மார்க்கம் ஆகும், திருக்குர்ஆன் தான் இறுதி ஷரீஅத் ஆகும், ஆகையால், இதுவே திரு நபி முஹம்மது முஸ்தஃபா (ஸல்) அவர்களை உலகிற்கு இறுதி ஷரீயத்துடைய நபியாகவும், தூதராகவும் ஆக்குகிறது.

ஆனால், தீமை நீடித்திருக்கும் வரையிலும், உலகம் மனிதர்களால் நிரம்பியிருக்கும் காலம் வரையிலும், இஸ்லாம் மற்றும் மனிதகுலத்தின் சீர்திருத்தவாதிகளான ஷரீஅத்தை கொண்டு வராத நபிமார்களும், தூதர்களும் தொடர்ந்து வந்துக்கொண்டே இருப்பார்கள். அதனால், நபி (ஸல்) அவர்களின் போதனைகளின் சாரம்சம் எப்போதெல்லாம் துச்சமாக ஒன்று மற்றதாகக் கருதப்படுகிறதோ (அல்லது கைவிடப் படுகிறதோ அப்போ தெல்லாம்) இந்த போதனைகளைப் புதுப்பித்து இஸ்லாத்தின் உண்மைத்தன்மையை உலகுக்கு வெளிப்படுத்திக் காட்டுவதற்காக எவரேனும் ஒருவர் வருகைதருவார்கள்.

இறைத்தூதர் முஹம்மது (ஸல்) அவர்கள் முன்னறிவித்தபடி, இறுதி நாட்கள் தஜ்ஜாலின் [அந்தி கிறிஸ்துவின்) தோற்றத்துடன் கடும் சோதனைகளுக்குரிய நாட்களாகவும், அது போன்றே பெயர் தாங்கிய இஸ்லாமிய அறிஞர்களது இஸ்லாமியமயமாக்கலாகவும் இருக்கும், முஸ்லிம்கள் பெயரளவில் மட்டுமே இருப்பார்கள் என்றும் யூத-கிறிஸ்தவர்களின் வழிமுறைகளையும், நடத்தைகளையும் (அப்படியே) பின்பற்றுவார்கள் என்றும் நபிகள் நாயகம் (ஸல்) அவர்கள் முன்னறிவித்தார்கள்! இஸ்லாத்தையும், தவ்ஹீதையும் - அதாவது அல்லாஹ்வின் ஏகத்துவத்தையும் அழிக்கும் நோக்கில் உலகம் முழுவதும் பரவி வரும் ஷைத்தான்களின் தாக்குதல்களை எதிர்க்க அல்லாஹ் செயல்படாமல் (அப்படியே) இருந்துவிடுவான் என்று நினைக்கிறீர்களா?

அல்லாஹ், சுன்னத்-அல்லாஹ்வாகிய அவனது (முந்தைய) நடைமுறையேப் போன்றே தன்னால் தேர்ந்தெடுக்கப்படுபவர்களைத் தொடர்ந்து எழுப்புவான். அவ்வாறான இஸ்லாத்தின் சீர்திருத்தவாதிகள் பரிசுத்த ஆவியினால் (ரூஹுல் குத்தூஸினால்) ஞான ஒளியைப் பெற்று, [அதாவது, எந்த ஒரு புதிய சட்டத்தையும் கொண்டிராத – திருக்குர்ஆனின் கட்டளைகளை மக்களுக்கு நினைவூட்டக் கூடிய அத்தகைய]அல்லாஹ்வின் இறை வெளிப்பாடுகளைப் பெற்று நபிகள் பெருமானார் முஹம்மது(ஸல்) (அவர்களைப் பின்பற்றி) அன்னாரது அடிச்சுவடுகளில் வருகை தருவார்கள்.

அவ்வாறே, (இஸ்லாமிய) மார்க்கத்தைப் புதுப்பிக்க ஒவ்வொரு நூற்றாண்டிலும், வருகை தந்த இஸ்லாத்தின் சீர்திருத்தவாதிகளுக்குப் பிறகு அல்லாஹ், தனது வாக்குறுதியின்படி, இஸ்லாத்தின் அசல் போதனைகளின் பக்கம் மக்களை மீண்டும் கொண்டு வருவதற்காக மஸீஹ் மற்றும் மஹ்தியாக ஹஸ்ரத் மிர்ஸா குலாம் அஹ்மத் (அலை) அவர்களையும் உலகிற்கு அனுப்பினான். இன்று, நமது தற்போதைய சகாப்தத்தில், அல்லாஹ் இந்த எளிய அடியானை, இஸ்லாத்தை நோக்கி (அழைத்து வரும்) உலகின் சீர்திருத்தத்திற்காக எனது சகாப்தத்தின் மஸீஹாகவும், கலீபத்துல்லாஹ் அல்-மஹ்தியாகவும் அனுப்பியுள்ளான், மேலும் (ஷரீஅத் சட்டத்தை கொண்டிராத) நபி மற்றும் தூதர் என்ற உன்னதப் பதவிகளையும் எனக்கு வழங்கியுள்ளான். அல்லாஹ், எனக்கு அவனது அடையாளங்களை இறக்கி வைத்து, வலிமை மிக்க அடையாளங்களையும் எனக்குக் காட்டினான். வானங்களிலும் சரி அல்லது பூமியிலும் சரி, அவனைத் தவிர வேறு எந்த இறைவனும் இல்லை. அவன் மீது நம்பிக்கை வைக்காதவர் அவனது அருள்களை இழந்தவராகவே குழப்பத்தில் வாழ்கிறார்.

அல்ஹம்துலில்லாஹ் இன்று, எனது வருகையுடன், அல்லாஹ் என்னைப் பின்பற்றுபவர்களில் சிலருக்கும் கூட அவர்களின் நம்பிக்கையில் ஆறுதலளிக்கும் வகையில் அவனிடமிருந்து இறை வெளிப்பாடுகளை அவர்களுக்கு வழங்கியுள்ளான். சிலர் கனவுகள், ஆன்மீக தரிசனங்கள் மற்றும் உண்மையான இறை வெளிப்பாடுகளையும் பெற்றுள்ளனர். மேலும் (இவ்வாறு கிடைக்கும்) அல்ஹம்துலில்லாஹ், இந்த அனைத்து இறை வெளிப்பாடுகளுக்கும் மேலாக அல்லாஹ்வின் பிரதிநிதியாகிய அல்லாஹ்வின் தூதர் பெறுகின்ற இறை வெளிப்பாடுகளானது சக்தி வாய்ந்த சூரியனைப் போல், பகலைப் போன்று தெளிவாகவும், பிரகாசமாகவும் இருக்கும். அவனுடைய வெளிப்படுத்துதல்கள் மற்றும் அவனது அடையாளங்களின் மூலம், நம்முடைய அல்லாஹ் எந்த அளவு சக்தி வாய்ந்தவனும், நித்தியமானவனுமாக இருக்கிறான் என்பதை நாம் பார்த்தோம்; அவனுடைய பல அற்புதமான சக்திகளை நாம் உண்மையில் கண்டிருக்கிறோம். உண்மை என்னவென்றால், அவனுடைய சொந்த வாக்குறுதிக்கும், அவனுடைய சொந்த வேதத்துக்கும் எதிரானதைத் தவிர, அவனால் முடியாதது என்று எதுவுமே இல்லை.

ஆகவே, நான் உங்களுக்கு அறிவுறுத்துவது என்னவென்றால், நீங்கள்‌ பிரார்த்தனைக்காக எழுந்து நிற்கும்போது, நம்பிக்கையாளர்களாகியநீங்கள், உங்கள் இறைவனாகிய அல்லாஹ் சர்வ வல்லமை கொண்டவன் ஆவான் என்று நம்பிக்கைக் கொள்ள வேண்டும். அப்போது உங்கள் பிரார்த்தனைகள் ஏற்றுக்கொள்ளப்படும், அவனது சக்தியின் அற்புதங்களையும் நீங்கள் காண்பீர்கள். நான் உங்களுக்குக் கூறுவது எனது தனிப்பட்ட அனுபவத்தின் அடிப்படையிலானதேத் தவிர செவிவழிச் செய்திகளின் அடிப்படையில் அமைந்தவை அல்ல.

அல்லாஹ்வே ஒவ்வொன்றினுடைய அதிபதி ஆவான். ஆனால் அல்லாஹ்வின் வேதமானது பிரார்த்தனை தொடர்பாக ஒரு குறிப்பிட்ட விதியை நிறுவியுள்ளது: அவன் [அல்லாஹ்] தனது எல்லையற்ற கருணையின் காரணமாக ஒரு நபரை (தனது)நண்பனைப் போன்று நடத்துகிறான். 

"என்னையே நீங்கள் பிரார்த்தியுங்கள்; நான் உங்(களது பிரார்த்தனை)களுக்கு பதிலளிக்கிறேன்; (முஃமின் 40:61) 

என்று அல்லாஹ் திருக்குர்ஆனில் கூறியிருப்பதை போன்றே, சில சமயங்களில் அவன் அந்த நபர் கேட்பதை நிறைவேற்றுகிறான், மேலும் 

நிச்சயமாக நாம் உங்களை ஓரளவு அச்சத்தாலும், பசியாலும், சோதிப்போம்...” (அல்பகரா 2:156) 

என்று அவன் கூறுவது போல், சில சமயங்களில், சில சூழ்நிலைகளில் அவனது விருப்பம் மேலோங்க வேண்டும் என்று அவன் விரும்புகிறான். இவ்வாறுதான் ஒரு நபரின் பிரார்த்தனைகளுக்கு ஏற்றவாறு அவனால் பிரதிகரிக்க முடியும். ஒரு நபருக்கு இறைவன் மீது இருக்கக்கூடிய உறுதித் தன்மையை அதிகரிக்கச் செய்வதற்காக அவன் அவ்வாறு செய்கிறான். மேலும் சில சமயங்களில் இறைவன் தனது விருப்பத்தை மேலோங்கச் செய்து அந்த நபரின் மீதான நேசத்தின் காரணமாக அவரின் அந்தஸ்தை அவன் உயர்த்திவிடலாம் அல்லது அல்லாஹ் அவரை தனது ஒளியின் பாதைகளில் முன்னேறச் செய்யலாம்.

நமது (இறைவனாகிய) அல்லாஹ் எல்லையற்ற அற்புதங்களையும் கொண்டுள்ளான். ஆயினும் உண்மையுடனும், ஆன்மாவின் வலிமையுடனும் அவன் பக்கம் திரும்புபவர்களால் [அவனுக்கு மட்டுமே உரித்தானவர்களாகிவிடுவதற்காக அவன் பக்கம் திரும்புபவர்களால்] மட்டுமே இந்த அதிசயங்களைக் கண்டு கொள்ள இயலும். அவனுடைய ஆற்றலின் மீது நம்பிக்கை கொள்ளாதவர்களுக்கும், அவனிடத்தில் விசுவாசமாக (உறுதியுடன்‌) இல்லாதவர்களுக்கும் அவன் தனது அதிசயங்களை வெளிப்படுத்துவதில்லை. துரதிர்ஷ்டவசமாக, அல்லாஹ்வால் அறிவும் சுதந்திரமும் மனிதனுக்கு வழங்கப்பட்டிருந்த போதிலும் கூட, எப்போதும் உண்மையையும் பொய்யையும் எவ்வாறு வேறுபடுத்திப் பார்க்க வேண்டும் என்பதை (மனிதனாகிய) அவனே அறியாதவனாகவும் இருக்கிறான். மேலும் அல்லாஹ் மட்டுமே அவனுடைய எஜமானனும் இறைவனனும் ஆவான் என்பதை அவன் இதுவரையிலும் அறியாதவனாகவே இருக்கிறான்.

உண்மையில் நமது இறைவனாகிய, நமது அல்லாஹ்வே நமது உண்மையான சுவர்க்கம் ஆவான். மேலும் அவனே நமது உண்மையான நல்வாழ்வு ஆவான். நம்முடைய மாபெரும் சந்தோஷங்கள் அவனிடத்தில் மட்டுமே காணப்படுகின்றன. அவன் எத்தகையதொரு பொக்கிஷம் என்றால், அதைப் பெறுவதற்காக நாம் நமது உயிரையேத் தியாகம் செய்ய வேண்டியிருந்தாலும் கூட அந்த பொக்கிஷத்தை உடைமையாக்கிக் கொள்வதானதுத் தகுந்ததாகும். அவன் எத்தகையதொரு ஆபரணம் என்றால் அவனை [அதாவது, அல்லாஹ்வை] அடைந்து கொள்ளவேண்டும். என்பதற்காகவே நாம் சொந்தமாக்கியிருந்த அனைத்தையும் இழந்து போனாலும் கூட, அது வாங்குவதற்கு தகுதியுடைய ஆபரணம் ஆகும்.

நீங்கள் அல்லாஹ்வுக்காக என்று ஆகிவிட்டால், பின்னர் அல்லாஹ்வும் உங்களுக்கானவனாக ஆகிவிடுவான் என்பதில் உறுதியாக இருங்கள். [ஆன்மீக ரீதியாக] அவன் உங்களை விழித்திருக்க வைப்பான், நீங்கள் உறங்கும்பொழுது அவன் உங்களைக் கண்காணிப்பான். ஒரு நம்பிக்கையாளர் என்ற முறையில், ஒரு நபர் தனது பாதுகாப்பைக் குறைத்துக் கொள்ளலாம், ஆனால் அவருடன் அல்லாஹ்வுடைய உதவி இருக்குமேயானால், அவர் அல்லாஹ்வுக்கு நெருக்கமாக இருக்கக்கூடிய அடியார்களில் ஒருவராக இருப்பாரேயானால், பின்னர் அல்லாஹ்வே எப்போதும் அவன் மீது தனது பார்வையை நிலைநிறுத்தி, அவரது எதிரிகளை விரட்டியடித்துவிடுவான். அவர்களின் சதித்திட்டங்கள் அனைத்தையும் [அதாவது, அவனது அடியார்களின் எதிரிகளது சதித்திட்டங்கள் அனைத்தையும்] தடுத்து விடுவான்.

மனிதர்களே! அல்லாஹ்விடம் மட்டுமே இருக்கின்ற உண்மையான ஆற்றல்களை நீங்கள் அறியவில்லை. இதை நீங்கள் அறிந்திருந்தால், உங்கள் இறைவனை நீங்கள் உண்மையிலேயே அறிந்திருந்தால், நீங்கள் அவனை விட்டும் ஒருபோதும் விலக மாட்டீர்கள், இவ்வுலகத்தின் பிரச்சனைகள் குறித்து ஒருபோதும் கவலை கொள்ளவும் மாட்டீர்கள். இந்த தற்காலிக உலகம் குறித்து நீங்கள் கவலை கொள்ள மாட்டீர்கள். புதையலைக் கொண்டிருப்பவன் ஒரு பைசாவை இழந்து விட்டால், அந்த ஒரு பைசாவை இழந்தால் அவர் மரணித்துப் போய் விடுவார் என்பது போல அவர் அழுவதில்லை. அல்லாஹ் ஒருவனே உங்களுக்குப் போதுமானவனும், உங்களது அனைத்துத் தேவைகளுக்கும் அவனேப் போதுமானவனும் ஆவான் என்பதை நீங்கள் அறிந்திருந்தால், இந்த உலக விஷயங்களுக்காக ஒருபோதும் நீங்கள் கோபம் கொள்ளமாட்டீர்கள். அல்லாஹ்வே உண்மையில் உங்களது உண்மையான பொக்கிஷமாவான், மிகவும் மதிப்புமிக்க ஒரு பொக்கிஷமாவான்; அதனால் அவனது மதிப்பை அறிந்து கொள்ளுங்கள். (அறிந்து கொள்ள முயலுங்கள்). உங்களது வாழ்வின் ஒவ்வொரு கட்டத்திலும் அவனே உங்களது உதவியாளன் ஆவான். அவன் இல்லாமல், (அவனது உதவி இல்லாமல்), நீங்களோ அல்லது உங்களது உலகத் திட்டங்கள் (எவற்றிலும் வெற்றி) இல்லை. ஆகவே, பௌதீக வசதி வாய்ப்புகளை/ வளங்களை மட்டுமே சார்ந்திருக்கும் பிற சமுதாங்களைப் பின்பற்ற வேண்டாம் என்றும், அவர்கள் இறைவனை [அல்லாஹ்வை] மறந்துவிட்டு, தங்களது (சொந்த) வேட்கைகளைக் கொண்டு ஆதிக்கம் செலுத்த அனுமதித்துள்ளதால், அவர்களை நீங்கள் பின்பற்ற வேண்டாம் என்று நான் உங்களுக்கு அறிவுறுத்துகிறேன்.

நம்பிக்கையாளர்களாகிய நீங்கள் அல்லாஹ்வின் மீது மட்டுமே (உங்களது) நம்பிக்கையை வைக்க வேண்டும். நிராகரிப்பவர்களோ பௌதீக வசதி வாய்ப்புகளின் மீதே நம்பிக்கை வைக்கின்றார்கள், எனவே அவர்களுக்கு அல்லாஹ்வின் உதவி இல்லை என்பதை நினைவில் கொள்ளுங்கள். எவர்கள் இந்த பூமியுடன் இணைந்து விட்டார்களோ, அவர்களே ஆன்மீக ரீதியில் மரணமடைந்தவர்களாக இருக்கின்றார்கள். அவர்கள் இவ்வுலக விவகாரங்களில் மட்டுமே அக்கறை கொண்டுள்ளனர், அல்லாஹ்வை மறந்துவிட்டார்கள்; அவர்கள், தங்கள் வாழ்நாள் முழுவதும் புறக்கணித்த அல்லது மறந்துபோய்விட்ட அதே படைப்பாளனிடம் ஒரு நாள் திரும்ப செல்ல வேண்டியிருக்கும் என்பதை மறந்துவிட்டார்கள்.

ஒரு மனிதனாகவும், கலீஃபத்துல்லாஹ் என்ற நிலையிலும், பௌதீக வசதி வாய்ப்புகளை சரியான வரம்புகளுக்குள் பயன்படுத்துவதை நான் தடை செய்யவில்லை. மற்ற சமுதாயங்கள் செய்து விட்டது போல்‌ (அதாவது) அல்லாஹ்வை முற்றாகப் புறக்கணித்து விட்டு, அவன் அவர்களுக்குச் செய்த அனைத்து உதவிகளுக்காகவும் அவனுக்கு நன்றிகெட்டவர்களாகி விட்டதால், இந்த பௌதீக வசதி வாய்ப்புகளுக்கு நீங்கள் அடிமைகளாக மாறிவிடுவதையே நான் தடுக்கிறேன்.

ஆகவே, உங்களது இறைவனாகிய அல்லாஹ்வுக்கு நன்றி செலுத்துங்கள், உங்களது நம்பிக்கையில் ஏமாந்தவர்களாகி விடாதீர்கள். நீங்கள் நழுவிப் போய், இந்த தற்காலிக உலகத்தை அல்லாஹ்வையும் மறுமையையும் விட மேலானதாக தேர்வு செய்து கொண்டால், பிறகு, நீங்கள் பெரும் நஷ்டம் அடைந்தவர்களாகிவிடுவீர்கள்.

உங்களுக்கு அறிவுரை கூறுவதும், உங்களை எச்சரிப்பதும் எனது கடமையாகும், மேலும் உலுல்-அல்-பாப் [உண்மையான ஞானம் கொண்டுள்ளவர்கள்] மட்டுமே எனது அறிவுரைகளிலிருந்தும் பயனடைவார்கள். இறுதியாக, நான் அல்லாஹ்வின் மீதே நம்பிக்கை வைக்கிறேன்.

حَسْبُنَا اللَّهُ وَنِعْمَ الْوَكِيلُ

ஹஸ்புன்-அல்லாஹ் வ நிமல் வகீல் (அல்லாஹ்வே எங்களுக்குப் போதுமானவன், அவனே நமது காரியங்களைச் சிறந்ததாக (ஆக்கி) வழங்குபவன்) [ஆல்-இம்ரான் 3:174]. 

ஆமீன், சும்ம ஆமீன், யா ரப்பல் ஆலமீன்.

Read More

அல்லாஹ்வின் கயிறு (பாகம் 2)

11 ஆகஸ்ட் 2023~23 முஹர்ரம் 1445ஹி

உலகெங்கிலும் உள்ள தனது அனைத்து ஸஹாபாக்கள் மற்றும்‌ அனைத்து முஸ்லீம்களுக்கும் இஸ்லாத்தின் அமைதிக்கான வாழ்த்தாகிய ஸலாத்தினைத் தெரிவித்த பிறகு, கலீபத்துல்லாஹ்(அய்) அவர்கள் தஷஹ்ஹுத், தவூஸ் மற்றும் சூரா அல்-ஃபாத்திஹா ஆகியவற்றை ஓதிய பிறகு, அல்லாஹ்வின் கயிறு பாகம்-2 என்ற தலைப்பில் தனது குத்பாவை வழங்கினார்கள்.

وَاعْتَصِمُوا بِحَبْلِ اللَّهِ جَمِيعًا وَلَا تَفَرَّقُوا ۚ وَاذْكُرُوا نِعْمَتَ اللَّهِ عَلَيْكُمْ إِذْ كُنتُمْ أَعْدَاءً فَأَلَّفَ بَيْنَ قُلُوبِكُمْ فَأَصْبَحْتُم بِنِعْمَتِهِ إِخْوَانًا وَكُنتُمْ عَلَىٰ شَفَا حُفْرَةٍ مِّنَ النَّارِ فَأَنقَذَكُم مِّنْهَا ۗ كَذَٰلِكَ يُبَيِّنُ اللَّهُ لَكُمْ آيَاتِهِ لَعَلَّكُمْ تَهْتَدُونَ

இன்னும், நீங்கள் எல்லோரும் அல்லாஹ்வின் கயிற்றை வலுவாக பற்றிப் பிடித்துக் கொள்ளுங்கள்;. நீங்கள் பிரிந்தும் விடாதீர்கள்;. அல்லாஹ் உங்களுக்குக் கொடுத்த நிஃமத்களை (அருள் கொடைகளை) நினைத்துப் பாருங்கள்;. நீங்கள் பகைவர்களாய் இருந்தீர்கள் - உங்கள் இதயங்களை அன்பினால் பிணைத்து, அவனது அருளால் நீங்கள் சகோதரர்களாய் ஆகிவிட்டீர்கள்;. இன்னும், நீங்கள் (நரக) நெருப்புக் குழியின் கரை மீதிருந்தீர்கள்; அதனின்றும் அவன் உங்களைக் காப்பாற்றினான் -நீங்கள் நேர் வழி பெறும் பொருட்டு அல்லாஹ் இவ்வாறு தனது (இறை) வெளிப்பாடுகளை உங்களுக்கு தெளிவாக்குகிறான். (ஆலு இம்ரான் 3:104)

இந்த திருக்குர்ஆன் வசனமானது ஒவ்வொரு முறையும் உங்களை அழைக்கிறது. மேலும் ஹஸ்ரத் முஹம்மது (ஸல்) அவர்களின் ஊடாக (கடந்து) செல்லாமல் நீங்கள் அதனை அடைய முடியாது. அதனால்தான் திருக்குர்ஆனிலும்

, ஹதீஸ்களிலும் ஹஸ்ரத் முஹம்மது (ஸல்) அவர்களின் மீதும் முஹப்பத் (நேசம்) வைப்பதற்கு அதிகஅறிவுரைகள் வழங்கப்பட்டுள்ளன. அதன் பிறகு, வரும் பொருள் என்னவென்றால், இருவருக்கிடையில் [அதாவது ஒருவருக்கொருவர்] உறவு இருக்க வேண்டும். இது தனியொரு விஷயமல்ல. அவை முதன்மையான ஒரேத் தலைப்பின் பிரிவுகள் ஆகும். இந்த விஷயத்தில் நீங்கள் மேற்கொண்டு முன்னேறும்போது, இன்னும் பல திறந்த பாதைகளும், பல அழகான காட்சிகளும் முன் வரும். பூமியில் வேர்களை நன்கு ஊன்றி, கிளைகள் படர்ந்து, ஒவ்வொரு கிளையும் தன் அழகை, பசுமையை வெளிப்படுத்தும் மரத்தைப் போன்றது. ஆயினும்,அவைகளின் அழகை தனித்தனியாக காட்டுவதாக இருந்தாலும், எப்போதும் அவைகள் ஒரே மரத்தின் பகுதியாகும், இன்னும் மரத்திலிருந்தும் அவைகளைப் பிரிக்க இயலாது.ஹஸ்ரத் முஹம்மது (ஸல்) அவர்களின் உம்மத்துக்கும் இது (மிகச்)சரியாகவே உள்ளது.

மேலும் இவ்வாறு தான் உம்மத் பரவுகிறது. இது மலர்கிறது,, விரிவாகப் பரவுகிறது இன்னும் வளர்ச்சியடைகிறது. நாம் அனைவரும் - அனைத்து முஸ்லிம்களும் ஒன்று சேர்ந்து ஒரே உடலின் கிளைகளாக இருக்கிறோம். இந்த ஒற்றுமையைக் கொண்டு வருவதற்காக , இஸ்லாத்தை மீண்டும் நிலை நிறுத்துவதற்காக அல்லாஹ் எனக்கு வழங்கியுள்ள ஜமாத்தாகிய ஜமாத்துல் ஸஹீஹ் அல் இஸ்லாத்தோடு தொடர்புபடுத்தி,நான் இந்த தலைப்பை தெளிவுபடுத்த முயற்சிக்கிறேன். நீங்கள் ஒரே உடலாவீர்கள் - அதாவது எனது ஒரு பகுதியாவீர்கள்.ஆகவே எனது சொந்த உடலின் பசுங்கிளைகளே! நான் ஹஜ்ரத் முஹம்மத் (ஸல்) அவர்களிடமிருந்து தண்ணீரையும் உணவையும் பெற்று மீண்டும் உயிர் பெற்ற மரமாக உள்ளேன்! மேலும் நான் ஒரு புதிய நீர் ஊற்றைக் கண்டேன், என்னுடன் இணைந்துள்ள ஜமாத்தின் மக்களே! நீங்களே எனது மரத்தின் வளரும் கிளைகளாக இருக்கின்றீர்கள்!.

(இது) உம்மத்தை ஒன்றிணைப்பதற்காக ஹஸ்ரத் மஸீஹே மவூத்(அலை) அவர்கள் பெற்றுக் கொண்ட பணியைப் போன்றது என்பதை நீங்கள் நினைவில் கொள்ள வேண்டும். ஆயினும் இன்று எனது சொந்த ஜமாத்தைப் போலவே (அன்றும் மஸீஹ் மவூது(அலை)) அவர்களது சொந்த ஜமாத்தைக் கொண்டே அது ஆரம்பமானது. அல்லாஹ்வின் ஜமாத்தாகிய இந்த ஜமாத் முழு உம்மத்தையும் வெற்றிக் கொள்ளச் செய்வதற்காக தீர்மானிக்கப்பட்டுள்ளது.

நீங்கள் இந்த ஜமாத்தில் இருக்கின்றீர்கள் என்பதே உங்களுக்குப் போதுமானதாகும் என்று நீங்கள் கூறாதீர்கள்! அவ்வாறல்ல! நீங்கள் இன்று அனுபவித்துக் கொண்டிருக்கக் கூடிய (அத்தகைய) ஒற்றுமையுடன் கூடிய உம்மத்தை உருவாக்கும் ஒரு முயற்சியை மேற்கொள்ள வேண்டிய அவசியம் உங்களுக்கு உள்ளது.மேலும் இந்த ஒற்றுமையானது வெறும் வார்த்தைகளில் மட்டுமே மொழி பெயர்க்கக் கூடியதாக இல்லாமல், செயல்பாட்டிலும் கூட அவ்வாறே வெளிப்பட வேண்டும்.

கலீஃபதுல்லாஹ்வைப் பின்பற்றக் கூடியவர்களாக இருப்பதே உங்களுக்குப் போதுமானதாகும் என்றும் உம்மத்தின் ஒற்றுமைக்கான பணிகளில் ஈடுபடாமேலேயே நீங்கள் எங்கு இருக்கின்றீ்ர்களோ அங்கு திருப்தியுடன் இருப்பதாகவும் உங்களது மனதில் நினைத்து விடாதீர்கள்!

உம்மத் என்பது மேன்மை பொருந்திய நபி கரீம் (ஸல்) அவர்களது உடலாகும். அன்னாரது உடல் கூறுபட்டு, மோசமானதொரு நிலையில் துண்டு துண்டாகிப் போவதை நீங்கள் அனுமதிக்கப் போகின்றீர்களா? நீங்கள் இந்த அருளுக்குரிய உடலை புத்துயிரூட்டப் போகின்றீர்களா? அல்லது (இஸ்லாமிய நெறிமுறைகளின் படி) அடக்கம் செய்வதற்குரிய எந்த ஒரு கிரியைகளையும் செய்யாது கைவிடப்பட்ட நிலையில் உள்ள ஓர் அழுகிக் கொண்டிருக்கும் உடலைப் போன்று அதனை விட்டு விடப் போகின்றீர்களா?

ஹஜ்ரத் நபியே கரீம் முஹம்மது (ஸல்) அவர்களது உடலை (அதாவது உம்மத்தை இவ்வாறு கேட்பாரற்ற நிலையில்) மரணித்துப் போகுமாறு விட்டு விடாமல் கவனமாக இருந்து கொள்ளுங்கள்!ஒரே உடலைப் போன்று எந்த ஒரு வேறுபாடும் இல்லாமல், நாம் அனைவரும் ஒன்றிணைதல் வேண்டும், ஏனென்றால் நாம் அனைவரும் ஹஜ்ரத் நபியே கரீம் முஹம்மது(ஸல்) அவர்களது இன்றியமையாதத் தரத்திலிருந்து / சாராம்சத்தில் இருந்து வந்தவர்கள் ஆவோம். இது உலகம் முழுவதிலும் உள்ள உண்மையான முஸ்லிம்கள் அனைவருக்கும், அந்த முஸ்லிம்கள் தங்களது மார்க்கத்தை இழந்து விடக் கூடாது என்பதற்காகவும், அவர்கள் இந்த தற்காலிக உலகின் பௌதீகவாழ்வைப் பெற்றுக் கொள்வதற்காக, தங்களது மார்க்கத்தை குறைந்த விலைக்கு விற்று விடக் கூடாது என்பதற்கும் இது உண்மையானதாகும்.

ஆகவே, மரத்துடன் நேரடித் தொடர்பு இல்லாத வரையில், எந்த கிளைகளும் இல்லை. அந்த மரங்கள் என்பவை நபிமார்கள் ஆவர். அவர்கள் தங்களைப் பின்பற்றுபவர்களை ஒரே இடத்தில் ஒன்று சேர்க்கிறார்கள். (நபிமார்களாகிய) அவர்கள், (நம்பிக்கை கொண்டவர்களாகிய) உங்களை ஒன்றாக இணைக்கிறார்கள்..ஹஸ்ரத் முஹம்மது நபி (ஸல்) அவர்கள் இமாமின் வருகையைப் பற்றி நற்செய்தியை வழங்கி உள்ளார்கள். இந்த இமாமுடைய வருகையின் முதன்மையான நோக்கம் என்னவென்றால், ஹஸ்ரத் முஹம்மது (ஸல்) அவர்களின் கையை (பற்றிப் பிடிப்பதை) கைவிட்டு வழி தவறிச் சென்று விட்ட மக்களை மீண்டும் ஒரு முறை ஒன்று சேர்ப்பதாகும். அதனால் உலகில் [இன்று] மறைந்து போய் கொண்டிருக்கும் அதன் பலப்படுத்தப்பட்ட ஒற்றுமையை மீண்டும் இஸ்லாம் திரும்பப் பெறும் வகையில் அவர்கள் அனைவரையும் மீண்டும் ஓர் உடலாக ஒன்றிணைப்பதே அந்த இமாமின் நோக்கமாகும்;

நான் இந்த விஷயத்தை மிகச் சிறந்த நற்குணங்களுடன் மேற்கோள்காட்டி அழுத்தமாக குறிப்பிட்டு கூறினேன். இந்த விஷயத்தை நான் இந்த வகையில் அவ்வாறு விளக்கவில்லை என்றால், அதை ஓர் ஆன்மீக சொகுசாக அனுபவிப்பட்தோடு, அ(வ்விஷயத்)தை மறந்து விடுவார்கள். இந்த விஷயங்கள் நற்குணங்களோடு தொடர்புடையது என்பதை உங்களுக்கு புரிய வைக்க விரும்புகிறேன். உங்களிடம் நல்லொழுக்கங்கள் இல்லாமல், நீங்கள் நபி (ஸல்) அவர்களுடனோ அல்லது உங்களுக்கு மத்தியிலும் சரி, ஒரு பிணைப்பை ஏற்படுத்திக் கொள்ள முடியாது. மேலும், அல்லாஹ்வின் அருளால் நமது ஜமாத்தின் தூதுச் செய்தி வேகமாக பரவிவரும் நிலையில், நம்மிடையே ஒழுக்கமும், நற்குணங்களும் இருக்க வேண்டியது மிகவும் அவசியமானதாகும். ஜமாத்தின் தூதுச் செய்தி வேகமாக பரவுவது எதிரிகளை அதிக அளவு அச்சமடையச் செய்கிறது. அவர்கள் பல தீய திட்டங்களை தீட்டுகின்றனர். ஆனால் அவர்களால் எதுவும் செய்ய இயலாதக் காரணத்தினால், அவர்கள் பொறாமையில் எரிந்து கொண்டிருக்கின்றனர். இன்னும் அவர்கள் அரசாங்க அளவிலும் கூட தீய திட்டுங்களைத் தீட்டுகின்றனர், அல்லாஹ்வின் அருளால் அது குறித்த செய்திகளை நாம் பெறுகிறோம்.

ஆகையால், அவர்கள் ஜமாத்தில் குழப்பம் விளைவிக்க முயற்சிக்கிறார்கள் என்பதாகத் தோன்றுகிறது.அவர்களின் (பல்வேறு) முயற்சிகளில் ஒன்று நான் உங்களிடம் தற்போது கூறியது போலவே, (ஜமாத் மக்கள் மத்தியில்), திருகுர்ஆன் வசனங்களுக்கு‌த் தவறான கருத்து கொள்ளும் பொருள் கூறுவதன்‌ மூலம் ஜமாத்தில் பிளவை ஏற்படுத்துவது. ஹஜ்ரத் மஸீஹ் மவூத் (அலை) அவர்களின் ஜமாஅத்தை மட்டும் நாம் பார்த்தோமேயானால், நுபுவ்வத்- நபித்துவத்தின் வாசல் எப்போதும் திறந்தே இருக்கும் என்று எப்பொழுதும் நாம் [ அஹ்மதி முஸ்லிம்கள்‌ அனைவரும்] பிரச்சாரம்‌ செய்து வருகிறோம். (நான்) அஹ்மதியா ஜமாத்தின் மிஷனரி என்ற நிலையில், அச்சமயத்தில், ஹஜ்ரத் மஸீஹே மவூத் (அலை) அவர்களைப் பொய்யர் என்று கருதும் மற்ற முஸ்லிம்களுக்கு எதிராக நாம் வைக்கும் அதே முக்கிய வாதமும் இதுவே.ஆனால்,(அஹமதிகளாகிய) உங்களுக்கு இன்று நிலை என்ன நேர்ந்து விட்டது? மஸீஹ் (அலை) அவர்களின் கிலாஃபத் (கிலாஃபத்தே-மஸீஹ்) 1000 ஆண்டுகளுக்கு நீடிக்கும் என்றும், அதனால் அல்லாஹ்வால் தேர்ந்தெடுக்கப்பட்ட மற்றொரு இமாம் ரூஹில் குத்தூஸுடன் வர வேண்டிய அவசியமில்லை என்று கூறுவதற்கு முந்தைய (அஹ்மதியா) கலீஃபாக்களின் சொந்தக் கருத்துக்களை அடிப்படையாகக் கொண்ட கூற்றுக்களை மட்டுமே நீங்கள் அடிப்படையாக அமைத்துக் கொண்டீர்கள்.

ஆக (அஹமதி முஸ்லிம்களாகிய) நீங்கள் கூறும் கூற்று, திருக்குரானில் அல்லாஹ் என்ன கூறி உள்ளானோ அதற்கு முற்றிலும் மாற்றமானதாகும்.அத்தகைய கூற்றுக்கள் ஹஜ்ரத் முஹமது நபி (ஸல்) அவர்கள் ஹதீஸ்களில் கூறி உள்ளவற்றிற்கும், ஏன் மஸீஹே மவூத் (அலை) அவர்கள் கூறியதற்கும், தனது புத்தகங்களில் எழுதியுள்ளவற்றிற்கும் கூட மாற்றமானதாகும். அவற்றில் அன்னார், தான் கலீஃபாக்களில் முத்திரையானவர் என்பதைத் தெளிவுபடுத்தியுள்ளார்கள். ஆனால் அதற்கு அன்னார்தான் அல்லாஹ்வின் இறுதி கலீஃபா என்றோ அல்லது இறுதி மஸீஹ் என்றோ பொருள் இல்லை. மாறாக அன்னார், இது அல்லாஹ்வின் விருப்பமாக இருந்தால், வானங்களும் பூமியும் இருக்கும் காலம் வரை, பல மஸீஹ்மார்களை எழுப்புவதற்கு அல்லாஹ் ஆற்றல் கொண்டவன் ஆவான் என்றே கூறி உள்ளார்கள்.

(ஆனால்) இன்று அஹமதி முஸ்லீம்கள் என்ன செய்கிறார்கள்? மற்றுமுள்ள முஸ்லீம்களைப் போலவே, நபிமார்கள் மற்றும் மஸீஹ்மார்களின் கதவை மூடிவிட்டு, ஹஜ்ரத் மஸீஹ் (அலை) அவர்கள் தான் இறுதி மஸீஹ் என்றும் அதனால் அன்னாருக்குப் பிறகு எந்த ஒரு மஸீஹும் ஒருபோதும் வரப்போவதில்லை என்றும் கூறுகின்றனர்.என்ன நடந்து கொண்டிருக்கிறது? நாம் என்ன காண்கிறோம்? வரலாறுதான் மீண்டும் மீண்டும் திரும்புகிறது! இது திருக்குர்ஆனிலும் குறிப்பிடப்பட்டுள்ளது, அதாவது யூசுஃப் (அலை) அவர்களின் காலத்திலும் கூட, (அன்னாரது) சமுதாயம், அவர்தான் இறுதித்தூதர் என்றும் அவருக்குப் பிறகு எந்த தூதரும் வரப் போவதில்லை என்றும் கூறியது. ஆனால், அது உண்மையானதா? அவ்வாறு தான் நிகழ்ந்ததா? மக்களின் சொந்த நம்பிக்கைகளை கருத்தில் கொண்டால், (அது தான் உண்மை என்றால்) ஹஜ்ரத் மூஸா (அலை), ஹஜ்ரத் தாவூத் (அலை), ஹஜ்ரத் சுலைமான் (அலை), ஹஜ்ரத் ஈஸா (அலை), இவ்வளவு ஏன் ஹஜ்ரத் முஹமது நபி (ஸல்) ஆவர்களின் வருகைக் கூட நிகழ வேண்டிய அவசியம் இருந்திருக்காது. (பிறகு,) அவர்கள் இறைப் போதனைகளை அடிப்படையாகக் கொள்வதற்கு பதிலாக, தங்களது சொந்த கருத்துகளையே நம்பியிருப்பார்கள்.

ஆக இன்றைய காலக்கட்டத்தில் நாம் எதனைக் காண்கிறோம்? இறை வழிகாட்டுதல்களை மறந்து, மனிதனால் தேர்ந்தெடுக்கப்பட்ட, கலீஃபாக்கள் தான் ஆயிரம் ஆண்டுகள் ஆட்சி செய்வார்கள் என்று கூறும் மக்களைத் தான் நாம் காண்கிறோம். அப்படிப்பட்ட மக்கள், இறைப் போதனைகளை மறந்துவிட்டு, சில நபிமார்கள் மற்றும் மஸீஹ்மார்களது பிரதிநிதிகளின் குறிப்பிட்ட சில வார்த்தைகளை மட்டும் எடுத்துக் கொண்டு, மனிதனால் தேர்ந்தெடுக்கப்பட்ட கலீஃபாக்களே 1000 ஆண்டுகள் தொடர்ந்து ஆட்சி செய்வார்கள் என்ற முடிவுக்கு வந்து விட்டனர்.உண்மை என்னவென்றால், அவர்கள் மஸீஹ் (அலை) அவர்களின் ஜமாத் மக்களை ஏமாற்றுகின்றனர்.இந்த நூற்றாண்டின் கலீஃபத்துல்லாஹ்வாகிய நானும் அன்னாரது ஜமாத்தில் ஓர் அங்கமாவேன். ஏனென்றால் அல்லாஹ்வின் மீதும், கழிந்த சகாப்தத்தின் மஸீஹின் மீதும் நம்பிக்கைக் கொள்ளாமல் அல்லாஹ்வினால் தேர்ந்தெடுக்கப்பட்ட ஒருவனாக என்னால் ஆகி இருக்க முடியாது என்பது தான் உண்மை. ஹஸ்ரத் மஸீஹ் மவூத் (அலை) அவர்களின் ஜமாத்தின் உறுப்பினர்களுக்கிடையிலும், ஏன் ஒட்டுமொத்த உம்மத்துக்கிடையிலும் சரி பிளவுகளை ஏற்படுத்துவதற்குப் பயன்படும் திருக்குர்ஆனின் எந்த ஒரு வசனமும் இல்லை என்ற போதிலும், அல்லாஹ் என்னைப் போன்ற ஓர் எளிய, ஒழுக்கம் மிக்க அடியானை, மட்டுமல்லாமல் உன்னதமான மற்றும் மரியாதைக்குரிய ஒரு குடும்பத்திலிருந்து ஒருவரை அல்லாஹ் எழுப்பியுள்ளான் என்ற கருத்தை நிராகரிப்பதில் அந்த மக்கள் பிடிவாதமாக உள்ளனர், அவ்வாறு (எந்த ஒரு வசனமும்) இருக்குமேயானால், உங்கள் முன் வைக்கப்படுவது திருக்குர்ஆன் (வசனம்) அல்ல என்று அதற்கு பொருள். அவைகள் திருக்குர்ஆனுக்கு முரணான வார்த்தைகளாகிய, ஷைத்தானிய வார்த்தைகள் ஆகும். ஏனென்றால் திருக்குர்ஆன் ஒன்றிணைப்பதற்காக வந்துள்ளதேத் தவிர, பிரிவினையை ஏற்படுத்த வரவில்லை.

ஆக, (உங்களிடம்) கொடுக்கப்பட்ட மேற்கோள்கள் அனைத்தும் உங்களுக்குள் பிளவுகளை ஏற்படுத்துவதாக இருக்கின்ற அதே வேளையில், இவைகள் திருக்குர்ஆனின் வார்த்தைகள் ஆகும் என்று நீங்கள் கூறுகின்றீர்கள். ஆனால், நீங்கள் உங்களது சொந்த யோசனைகளையும், கருத்துக்களையும் இறை போதனைகளாக எடுத்துக் காட்ட முயற்சித்து கொண்டிருக்கும் ஷைத்தானின் தூண்டுதலுக்கு இரையாகிட உங்களைத் அனுமதிக்கின்றீர்கள் என்பதே உண்மையாகும். மேலும், ஷைத்தான் எதையாவது உங்களிடம் மேற்கோள் காட்டுவதற்கும், ஒரு நல்ல மனிதர் எதையாவது உங்களிடம் மேற்கோள் காட்டுவதற்கும் உள்ள வேறுபாடு என்னவென்றால் ஷைத்தான் உங்களை தீய ஷைத்தானிய முடிவுகளின் பக்கம் அழைத்துச் செல்கிறான், அதே வேளையில் ஒரு நல்ல மனிதனோ உங்களை நல்ல முடிவுகளின் பக்கம் அழைத்துச் செல்கிறான்.இது ஒரு மரத்தை அதன் பழங்களைக் கொண்டு அடையாளம் காண்பது என்பது போன்றே சுலபமானதாகும்..

ஆகவே திருக் குர்ஆனின் மேற்கோள்கள் அனைத்தும் ஹஸ்ரத் முஹம்மது (ஸல்) அவரகள் மீதான நேசத்தை உங்களது இதயத்தில் உருவாக்குகின்றன, அந்த மேற்கோள்கள் திருக்குர்ஆனை ஹஸ்ரத் முஹம்மது(ஸல்) அவர்களிடமிருந்தும் பிரிப்பதில்லை, ஆனால், அதற்கெதிரில், எவ்வாறு அவைகள் (வேறுபாடின்றி) ஒன்றாகும் என்பதை வெளிப்படுத்துகின்றன. மேலும் அதன் மூலம் அல்லாஹ்வின் கயிற்றை வேகமாகப் பிடித்துக் கொள்ள, அதாவது உறுதியாக பற்றிக் கொள்வதற்கு உங்களை அவைகள் ஊக்குவிக்கின்றன. அதற்கும் மேல், அல்லாஹ் ஒரே இறைவனாக இருக்கும் பட்சத்தில், அல்லாஹ்வின் மீது நம்பிக்கைக் கொள்ளும் மக்களும் கூட ஒன்றாகவே இருக்க வேண்டும் என்பதையும் அது வெளிப்படுத்துகிறது. இதுவே அதன் ஆன்மீகப் பொருளாகும். இதுவே திருக்குர்ஆனின் நோக்கமும் ஆகும்.இதற்கு ஷைத்தானுடன் எந்த தொடர்பும் இல்லை. ஆனால் இது ஒரு மிக பெரிய பணியாகும், இதற்கு அதிக முயற்சி தேவைப்படுகிறது.

நீங்கள் இதைக் கேட்கும் போது, உங்களது தலையை மட்டும் அசைத்து விட்டால், அது பிரச்சனையைத் தீர்த்துவிடாது. ஹஸ்ரத் முஹம்மது (ஸல்) அவர்களின் சிறந்த பண்புகளை ஒவ்வொன்றாக உங்களிடம் பிரதிபலிப்பதுடன், அவர்களது அறிவுரைகளையும் ஒவ்வொன்றாக உங்களிடம் பிரதிபலித்துக் காட்டுவதும் அவசியமாகும்.பிறகு, அவை எந்த அளவு உங்கள் மீது பொருந்திப் போகிறது என்பதையும், அது உங்களுக்கு எங்கெல்லாம் பொருந்திப் போகிறது என்பதையும் நீங்கள் கண்டறிய வேண்டும், அப்போதுதான் நீங்கள் ஹஸ்ரத் முஹம்மது (ஸல்) அவர்களுடன் பிணைப்பை ஏற்படுத்தியிருக்கின்றீர்கள் என்பதை உறுதிப்படுத்திக் கொள்ள இயலும். அவை உங்களுக்குப் பொருந்திப் போகாத இடங்களிலெல்லாம் ஏதோ தவறு உள்ளது, [அதாவது நபி (ஸல்) அவர்களது அந்த பண்பு உங்களிடம் விடுபட்டுள்ளது என்று பொருள், அவ்வாறு, எது பொருந்திப் போகவில்லையோ அல்லது விடுபட்டுள்ளதோ, அது சரி செய்யப்பட வேண்டும்]

(இவ்வாறாக) நீங்கள் முழுமையான வலிமையுடனும் திறமையுடனும் ஒரு பிணைப்பை ஏற்படுத்திக் கொள்ள‌, அதிக முயற்சிகளை மேற்கொண்டால் -நீங்கள் எவ்வளவு அதிகமான முயற்சிகளை மேற்கொள்கின்றீர்களோ, அந்த அளவு (நபி(ஸல்) அவர்களுடன்) உறுதியான பிணைப்பாக அது அமையும். இந்த பிணைப்பு எந்த இடத்தில் வலுவிழந்து, வேரோடு பிடுங்கப்படுகிறதோ, அங்கேயே அது ஒரு வெற்றிடத்தை உருவாக்குகிறது, ஏற்கனவே உள்ள பிணைப்புகளிலும் கூட இது (வெற்றிடத்தை) ஏற்படுத்திவிடுகிறது. இதன் உதாரணம் கண்ணைப் போன்றது. கண்ணின் ஒரு பகுதி காட்சியை உருவாக்குகிறது இது கண்ணுடன் இணைக்கப்பட்டுள்ளது, மறுபுறம், இது மூளை மற்றும் நினைவுகளுடன் இணைக்கப்பட்டுள்ளது. இது திரைப் போன்றது. அதனால்தான் சில நோய்களால் கண்களின் திரை பாதிக்கப்படும் போது சில சிரமங்களை சந்திக்க நேரிடுகிறது. குறிப்பாக நெருப்பில் வேலை செய்யும் கொல்லர்களின் நிலை இதுதான். அவர்கள் தீச்சுடருக்கு மிக அருகில் இருக்கிறார்கள், அதைத் திறந்தக் கண்களால் பார்க்கின்றார்கள். மேலும் சூரியனை நேரடியாகப் பார்ப்பவர்களும் கூட உள்ளனர்; அவர்களும் கூட இந்த நோயால் பாதிக்கப்பட்டுள்ளனர். பொதுவாக கண்கள், நேரடி சூரிய ஒளியைத் தாங்கும் வகையில் உருவாக்கப்படவில்லை என்பதே இதற்குக் காரணம். இதனால் மனிதர்கள் குருடர்களாகி விடக்கூடும்!

ஆகவே, நபிகள் நாயகம் (ஸல்) அவர்களின் தார்மீக குணங்கள்/ நல்ல நடத்தைகள் உங்களது (வாழ்வின்) ஒவ்வொரு பாகத்திலும் எவற்றிலெல்லாம் பிரதிபலிக்கவில்லையோ, அவ்வாறான உங்களின் அந்த பகுதிகளையெல்லாம் நீங்கள் கண்காணிக்கவில்லை என்றால் [அல்லாஹ், அவனது நபி மற்றும் இஸ்லாத்துடனான] உங்களதுக் பிணைப்புகள் மற்றும் தொடர்புகள் முற்றிலுமாக இல்லாமல் ஆகிவிடுதல் ஆரம்பமாகி விடும். அதனால், உங்களுக்கு எந்த பாதுகாப்பும் கிடைக்கப் போவதில்லை. இரண்டு வகையான பயணங்கள் உள்ளன, ஒன்று ((நபி(ஸல்) அவர்களுடனான) உங்களதுப் பிணைப்பை அதிகரிக்கும் பயணம் அல்லது உங்களது பிணைப்பைக் குறைத்திடும் பயணம். (இவ்விரண்டிற்கும்) இடையில் வேறு ஒரு‌ பயணம் இல்லை. ஆகவே உங்களது தார்மீக குணங்களை/ நல்ல நடத்தைகளை நீங்கள் மிகவும் கவனத்துடன் கண்காணிக்கவில்லை என்றால், பிறகு நபி (ஸல்) அவர்களுடன் உங்களுக்கு இருப்பதாக நீங்கள் நினைத்துக் கொண்டிருக்கும் தொடர்பும் கூட இல்லாமல் ஆகி விடும். அது மெதுவாக உங்களை விட்டும் விலகிச் சென்றுவிடும்.

ஆகவே, நீங்கள் எடுத்து வைக்கும் ஒவ்வொரு அடியும் உங்களை ஹஸ்ரத் முஹம்மது (ஸல்) அவர்களுக்கு நெருக்கமாக அழைத்துச் செல்கிறது என்பதனை உறுதிப்படுத்திக் கொள்ளுங்கள். நீங்கள் பலவீனராக இருந்தால், சிறிய அடிகளாக எடுத்துவையுங்கள். உங்களால் நடக்க இயலவில்லை என்றால், முன்னோக்கிச் செல்ல நீங்கள் எப்பொழுதும் தவழ்ந்தே செல்லலாம்.உங்களால் ஒவ்வொரு அடியாக முன்னேற இயலாவிட்டால், அங்குலம் அங்குலமாக முன்னேறுங்கள். அதை நீங்கள் எவ்வாறாக செய்யப் போகின்றீர்கள்? என்பது முக்கியமல்ல, முன்னேறிச் செல்ல ஒரு வழி (திறந்தே) இருக்கிறது. நீங்கள் முன்னோக்கிச் சென்றால், உங்களுக்கு எந்த ஆபத்தும் இல்லை. அப்போது உங்கள் பலகீனங்கள் தாமாகவே இல்லாமல் போய்விடும்; மேலும் உங்கள் வழியில் தடைகள், இடையூறுகள் ஏற்படுகின்ற போதிலும், நீங்கள் அவற்றைக் கடந்து செல்வதில் வெற்றி பெறுவீர்கள்; ஏனெனில் ஹஸ்ரத் முஹம்மது (ஸல்) அவர்கள் இந்த விஷயத்தை பின்வருமாறு குறிப்பிடுகிறார்கள்: ஒரு காலத்தில், பல பாவங்களையும் செய்த ஒருவர் இருந்தார். மேலும் அவர் பல குற்றங்களையும் செய்தார். பிறகு பெரிய அறிஞர்களிடம் சென்று, என் பாவங்களுக்கு பரிகாரம் உண்டா?‌ என்றும் வினவினார். மேலும் தான் செய்த குற்றங்களையும் அவர்களிடம் கூறினார். ஆனால் அந்த பெரிய அறிஞர்கள் அனைவரும் பாவங்களில் அவர் வரம்பு மீறிவிட்டதாகவும், அவருக்கு எந்த மீட்பும் தீர்வும் இல்லை என்றும் கூறினார்கள். ஒவ்வொரு முறையும் தனக்குத் தீர்வு ஏதும் இல்லை என்று அவர்கள் அவரிடம் கூறியபோது, அவர் அவர்களை ஒவ்வொருவராகக் கொலை செய்தார். தனக்குப் பரிகாரமோ, தீர்வோ இல்லை என்றால், (பிறகு) தனது பாவத்தில் தொடர்ந்தால் தனக்கு எந்தப் பாதிப்பும் இல்லை என்றும், மேலும் மேலும் பலரைக் கொன்றாலும் பரவாயில்லை என்றும் நினைத்தார். கடைசியாக அவர் ஒரு ஆரிஃப் பில்லாஹ் - அதாவது அல்லாஹ்வுக்கு நெருக்கமான ஒரு நபரிடம் வரும் வரையில், இது இவ்வாறேத் தொடர்ந்தது. அந்த நபர் அவரிடம், "உங்களுக்கு சரியான எண்ணம் இருந்தால், நீங்கள் உறுதியாக இருந்தால், கெட்ட செயல்களிலிருந்து நல்ல செயல்களின் பக்கம் முன்னேறத் துவங்கினால், எல்லாப் பாவங்களும் மன்னிக்கப்பட்டுவிடும்" என்று கூறி முடிக்கிறார்.

ஹஸ்ரத் முஹம்மத் (ஸல்) அவர்கள், மிகவும் உவமை வடிவில் இதனைக் குறிப்பிட்டுள்ளார்கள். அந்த நபர் அனைத்துப் பாவங்களையும் விட்டுவிட ஆரம்பித்தார் என்று ஓர் உவமை வார்த்தையில் கூறுகிறார்கள். [அதாவது. பேச்சு வழக்கில், அவர் பாவங்களால் நிறைந்திருந்த இடத்திலிருந்து] அவர் பாவச் செயல்கள்புரிந்த இடத்தை விட்டும் வெளியேறத் தொடங்கினார், இறுதியாக நற்ச்செயல்களைச் செய்வதன் மூலம் நன்மையை பெற்றுக்கொண்டார். அதனால் அவர் மரணிக்கும்வரை நற்செயல்கள் செய்ய கடுமையாக முயற்சித்தார். மேலும் அவர் அல்லாஹ்வின் முன் நிறுத்தப்பட்டார். அல்லாஹ் வானவர்களிடம், பாருங்கள்! அந்த நபர் பாவத்தின் தேசத்திலிருந்தும் (ஹிஜ்ரத்) புலம்பெயரத் துவங்கி, அவர் நற்செயல்களின் பூமியை நோக்கி நகர ஆரம்பித்தார். ஆகவே அவருக்கு மன்னிப்புக்கான ஏற்பாடுகளைச் செய்யுங்கள் என்று கூறினான். ஆகவே, அவர்கள் [அதாவது வானவர்கள்], அவர் பாவங்களின் தேசத்திலிருந்து நற்செயல்களுக்காக தனது வழியைத் துவங்க மட்டுமே செய்துள்ளார் என்று கூறினார்கள். அவர் நன்மைக்கான பாதையில் ஒரு சிறிய தூரம் மட்டுமே நடந்துள்ள அதே வேளையில்,அவர் உண்மையில் நன்மையை முழுவதுமாக நிறைவேற்றுவதற்கு முன் அவர் அடைய வேண்டிய தூரம் அதிகமாகயிருந்தது. ஆக, நற்செயல்களின் நிலத்தை அடைவதற்கு அவர் வெகு தொலைவில் இருந்தார். ஆகவே அல்லாஹ் அவர்களிடம், அவர் மரணித்த இடத்திற்கும் அவர் பாவம் செய்த பூமிக்கும் இடையே உள்ள தூரத்தை அதிகப்படுத்தி, அவருக்கும் அவரது நற்செயல்களுக்கும் இடையிலான தூரத்தைக் குறைத்து விடுங்கள் என்று கூறினான். இவ்வாறான வழியிலேயே அல்லாஹ் மன்னிப்பை வழங்குகிறான்!

மேலும் இவ்விடத்தில் ஹஸ்ரத் முஹம்மது நபி (ஸல்) அவர்கள் ஒரு மாபெரும் ஞானத்தை விளக்குகிறார்கள். (தூரத்தை அளக்கும்) அளவீடானது உண்மையில் அடி(அல்லது அங்குலம்) போன்றவற்றை அடிப்படையாகக் கொண்டிருந்தது என்பது இதற்கு அர்த்தமல்ல. இது ஓர் அழகான உவமை மட்டுமே. அவர் மரணித்த இடத்திற்கும் அவர் பாவம் செய்த நிலத்திற்கும் இடையிலான தூரத்தை வானவர்கள் படிப்படியாக அளந்து கொண்டிருந்த போது, அல்லாஹ் அந்த தூரத்தை நீட்டிக்கிறான் [பிறகு, அவர் நற்செயல்களின் நிலத்தை நோக்கி நெருங்கி வரும்படி செய்கிறான்]. அல்லாஹ் அதை எத்தகைய விதத்தில் செய்தான் என்றால், அவர் அந்த பாவங்கள் நிறைந்த தேசத்திலிருந்து வெகுதூரம் முன்னோக்கி சென்றுவிட்டதை அவர்கள் (வானவர்கள்) இறுதியாகக் கண்டு கொண்டனர். மேலும் (அவருக்கும்) அவரது நற்செயல்களின் நிலத்திற்கும் (இடையே) அளந்த பிறகு, அல்லாஹ் அந்த தூரத்தை குறைத்து விடுகிறான், அதனால் அவர்கள் (வானவர்கள்) அவரை நற்செயல்களின் நிலத்திற்கு மிக அருகில் (இருப்பதைக்) கண்டார்கள்.

அதாவது, நீங்கள் உங்களது வாழ்வில் மனப்பூர்வமாக தீமையிலிருந்தும் (விலகி) நன்மையை நோக்கி நகரத் தொடங்கினால், நீங்கள் ஹஸ்ரத் முஹம்மது நபி (ஸல்) அவர்களை நோக்கி நகரத் தொடங்கினால், நீங்கள் (அவ்வழியில்) ஒரு சிறிய பயணத்தை (மட்டுமே) கடந்து சென்று மரணித்திருந்தாலும் கூட, அல்லாஹ் உங்களுக்காக (நன்மையை நோக்கிய) இந்தப் பயணத்தை நீட்டித்து விடுகிறான் என்பதே இதன் பொருளாகும். நீங்கள் தீமையிலிருந்து நன்மையை நோக்கி ஒரு சிறிய தூரம் மட்டுமே நடந்தீர்கள், ஆயினும் அல்லாஹ் உங்கள் பயணத்தை நீட்டித்து விடுகிறான், அதன் காரணமாக, நீங்கள் நற்செயல்களின் நிலத்தை விரைவாக அடைந்திட இயலும்.அவன் உங்களுக்கு அத்தகைய மன்னிப்பைக் கொண்டு அருள்புரிகிறான், உனக்கு மிகவும் மன்னிப்பை வழங்குகிறேன் என்று கூறுவது போல், உங்களை ஊக்குவிப்பதற்காக, நீங்கள் நீண்ட காலம் வாழ்ந்து, தீமையிலிருந்து நன்மைக்கான உங்கள் நிலையான பயணத்தைத் தொடர்ந்திருந்தால், உங்களது இலக்கை அடைவதற்கான- உங்கள் முயற்சியில் நீங்கள் வெற்றி பெற்றிருப்பீர்கள்.நீங்கள் உயிருடன் இருக்கிறீர்களா இல்லையா என்பதை நீங்கள் கூற இயலும், அல்லது நீங்கள் நிச்சயமாகவே இலக்கை அடைய இயலும்,அப்படிப்பட்டதொரு மன்னிப்பின் அருளை வழங்குகிறான்,

இதனையே இறைக் கருணை என்று அழைக்கிறோம். எனவே, உண்மையில் மன்னிப்பு என்பது அல்லாஹ்வின் ஃபஸ்ல் (கருணையினால், அவனது) அருள்களின் மூலம் வருகிறது.மேலும் ஃபஸ்ல்- கருணையின் விஷயமும் அடிப்படை முக்கியத்துவத்தைப் பெறுகிறது.அல்லாஹ்வின் பார்வையில் மன்னிப்பும் கூட ஓரளவு நீதியை பெறத் தகுதி உடையது. மேலும் அல்லாஹ்வின் எந்த ஒரு செயலும் - அது அவனுடைய அசாதாரணமான அனுகூலங்களைப் பற்றியதாக இருந்தாலும் - எந்த நீதியும் இல்லாமல் நிலைபெற முடியாது! அது எப்போதும் நீதியை அடிப்படையாகக் கொண்டது. என் அடியார்களில் ஒருவருக்கு நல்ல எண்ணம் இருந்தால், அவர்களை நற்செயல்களின் பக்கம் செலுத்தினால், அதற்காக நான் அவரை மன்னிக்க வேண்டும், ஏனென்றால் அவருடைய வாழ்வு என் கையில் உள்ளது, மேலும் அவர் இன்னும் உயிருடன் இருந்திருந்தால், அதே பாதையிலேயேத் தொடர்ந்தார் என்று ஒருவர் கருத வேண்டும். அவர் நிச்சயமாக தனது அனைத்து நற்செயல்களின் நிறைவேற்றத்தை நோக்கி முழுமையாக வர முடியும்.

எனவே இதுவே அன்னாரது ஹதீஸில் நமக்குக் கற்றுத் தரப்பட்டுள்ள விஷயமாகும்.

இதைக் கருத்தில் கொண்டு,நீங்கள் உங்கள் ஒழுக்கத்தை சீர் செய்திட முயற்சி மேற்கொள்ள இயலும், மேலும் ஹஸ்ரத் முஹம்மது (ஸல்) அவர்களை நோக்கி ஹிஜ்ரத் -புலம்பெயரத் தொடங்கலாம். மேலும் நீங்கள் எவ்வளவு அதிகமாக நபியை நோக்கி நெருங்குவீர்களோ, அவ்வளவு அதிகமாக உங்கள் மற்ற சகோதரர்களையும் கூட நெருங்கத் தொடங்குவீர்கள்.ஏனெனில் உம்மத்தின் மீது ஆழ்ந்த நேசத்தைக் கொண்டிருந்தவர் ஹஸ்ரத் முஹம்மது (ஸல்) அவர்களே.அன்னார் மற்ற எவரைக் காட்டிலும் [உம்மத்தின் மீது அதிகமான] நேசம் கொண்டிருந்தார்கள். அன்னார் ரஹ்மத்துல்-லில்-ஆலமீன் [அனைத்து உலகங்களுக்கும் ஓர் அருள்கொடை ஆவார்கள்].ஆனால் இங்கு நம்பிக்கையாளர்களைப் பற்றி எங்கெல்லாம் குறிப்பிடப்படுகிறதோ, அங்கேயே அல்லாஹ்வின் "ரவூஃபுர்-ரஹீம்" என்ற பண்புகளும்‌ குறிப்பிடப்படுகின்றன, ஏனென்றால் சந்தேகத்திற்கிடமின்றி இறைப் பண்புகளை மிக உயர்ந்த நிலையில் வெளிப்படுத்தியவராக இருந்தவர் நபி‌(ஸல்) அவர்களே..

ஆகவே, ஹஸ்ரத் முஹம்மது (ஸல்) அவர்களுக்கு நெருக்கமானவர் எவரோ, அவர் தானாகவே உம்மத்துக்கும் நெருக்கமானவராகிவிடுகிறார்.ஆகவே, இந்த தார்மீக / நல்லொழுக்க குணங்களானது சிமெண்டைப் போன்றது, அது ஒரு பக்கம் அவரை நபி(ஸல்) அவர்களுடன் இணைக்கிறது, மறுபுறமோ அனைத்து முஸ்லீம்களையும் ஒன்றாக இணைக்கிறது - இதன் மூலம் நீங்கள் ஒன்றாக - ஒரே உம்மத்தாக, இறுதியில், மனிதகுலம் அனைத்தும், இன்ஷா-அல்லாஹ் அங்கே, நீங்களும் .(மனிதகுலமானது ஒரே சமுதாயமாக, நம்பிக்கையாளர்களின் ஒரே உடலாக). உம்மத்-ஏ-வாஹிதாவை நோக்கி குடிபெயர்வீர்கள்.நீங்கள் மிகவும் உறுதியான பிணைப்புகளை வளர்த்துக் கொள்கிறீர்கள்.

ஆகவே, ஹஸ்ரத் முஹம்மத் (ஸல்) அவர்களது அறிவுரைகளானது, நல்லொழுக்கங்களை , சிறந்த நடத்தைகளைக் கொண்டுள்ளது, அவற்றைக் குறித்து கண்ணியத்துடன் நன்கு பகுப்பாய்வு செய்யுங்கள்! இவ்வாறாக ஒவ்வொரு அறிவுரையும் ஒரு கயிறைப் போல் மாறும் போது தான் பிணைப்புகள் ஏற்படுத்தப்படும்.இந்த அறிவுரையை நீங்கள் பின்பற்றும்போது, நபி(ஸல்) அவர்களுடன் இணைவதற்கான ஒரு புதிய வழியைப் பெற்றுக் கொள்வீர்கள்.நீங்கள் இதனை அலட்சியமாகப் பார்த்தால் (இவ்விஷயத்தில் உதாசீனமாக இருந்தால்) நபி(ஸல்) அவர்களுடனான உங்களது பந்தம் அறுந்து போய்விடும்.

ஆகவே, நாம் சிறு அடிகளை எடுத்து வைத்து நபி(ஸல்) அவர்களை நெருங்குவதற்கு அல்லாஹ் நமக்கு வாய்ப்பளிப்பானாக!மேலும் நாம் அவ்வாறு செய்யும்போது, நாம் தானாகவே ஒருவரையொருவர் அணுகவும் அத்துடன் ஒருவருக்கொருவர் மிகவும் நெருங்கி வரவும் இயலும்.

அப்போதுதான், மனிதகுலம் அனைவரையும் ஒரே உம்மத்தாக ஒன்றிணைக்கும் திறன் கொண்ட ஒன்றுபட்ட ஒரு சமுதாயம் உருவாகும். அப்போதுதான் நீங்கள் பரவி எண்ணிக்கையில் பல்கிப் பெருகுவீர்கள், மேலும் ஏற்றுக்கொண்ட நாடு அல்லது நாடுகளிலிருந்து புதிதாக வருபவர்களையும் கையாள்வதில் உங்களுக்கு எந்தப் பிரச்சினையும் இருக்காது.

நான் உங்களுக்கு வழங்கியுள்ள பரிகாரத்தை, நீங்கள் பயன்படுத்தினால், நீங்கள் ஒருவருக்கொருவர் எந்த அளவு மிக நெருக்கமாக இருப்பீர்கள் என்பதைக் கவனிப்பதில் நீங்கள் மகிழ்ச்சியடைவீர்கள்!

மேலும் அதே நல்ல ஒழுக்கம்தான் உங்களை ஒன்றாக இணைக்க இயலும். நல்ல ஒழுக்கம் இல்லாமல் எந்த தொடர்பும் இல்லை, (ஏன் முறையான தரம் இல்லாமல்) சிமெண்டும் கூட இல்லை. நல்லொழுக்க குணங்களே நாடுகளை ஒன்றாக இணைக்கிறது. அதுவே இறுதிப் புள்ளியாகும். ஒழுக்க நெறிகள் உடைந்துப் போனால், மக்கள் ஒற்றுமையாக - ஒன்றாக இணைய இயலாது.அதற்கெதிரில்,நல்ல குணங்களுக்குப் பதிலாக, கெட்ட நடத்தையை நீங்கள் பின்பற்றத் தொடங்குவீர்கள்.ஒவ்வொரு கெட்ட நடத்தையும் மக்களைப் பிரிக்கிறது; அவர்கள் ஒருபோதும் ஒற்றுமையாக இணையப் போவதில்லை.

எனவே, தார்மீக ஒழுக்கங்களுக்கு அதிக முக்கியத்துவம் வழங்குங்கள். ஆனால், அதனை ஹஸ்ரத் முஹம்மது நபி (ஸல்) அவர்களுடன் தொடர்புபடுத்துங்கள், (பின்பற்றுங்கள்). அதனால், உங்களது மார்க்கம் முழுமையடையவும், ஹஸ்ரத் முஹம்மது (ஸல்) அவர்களுடனான அன்பின் பந்தம்- பிணைப்பு அதிகரிக்கவும், உங்களது சகோதரர்களுடனான பிணைப்பு இயல்பாகவே அதிகரிக்கவும் செய்யும்.ஹஸ்ரத் முஹம்மது (ஸல்) அவர்களைப் பின்பற்றி நீங்கள் தார்மீகக் பண்புகளைக் கற்றுக் கொண்டு வளர்த்துக் கொண்டால், ஏற்படும் பெரிய நன்மை என்னவென்றால், அதனால், அது அல்லாஹ்வுக்கு ஏதோ ஒரு வகையில் பிடித்தமான ஒன்றாக இருக்கும்.அல்லாஹ்வும் அவனுடைய வானவர்களும் அத்தகைய மக்கள் மீது தரூத் (பேரருட்களை) இறக்குகின்றார்கள். மேலும் அந்த அருட்கள் வானத்திலிருந்து உங்கள் மீது தொடர்ந்து அருளப்படுகின்றது.

ஆதலால், ஒழுக்க நெறிகளை முடிந்த அளவுக்கு உயர்த்துவதை கட்டாயமாக்கிக் கொள்ளுங்கள். சிலர் நல்ல ஒழுக்கத்தை வெளிப்படுத்துகிறார்கள், ஆனால் அதே நேரம் அவர்களின் குணத்தின் சில பலவீனத்தின் காரணத்தால், அவர்கள் சில ஒழுக்கக்கேடுகளையும் வேறு சில சமயங்களில் வெளிப்படுத்துகிறார்கள். இந்த பலவீனத்தின் காரணமாக, நீங்கள் வெளிப்படுத்திடும் இந்த ஒழுக்கங்களுக்கு முக்கியத்துவம் இல்லாமல் போய்விடுகின்றன. இது ஒரு உளவியல் பலவீனமாகும். சில மக்கள் பழிவாங்க விரும்புவதில்லை. "சரி, நான் உன்னை மன்னிக்கிறேன்" என்று அவர்கள் கூறுகின்றார்கள். ஆனால் சில குறிப்பிட்ட சூழ்நிலைகளில் அல்லாஹ் பழிவாங்குவதை முற்றிலும் ஆகுமானதாகவும், அனுமதிக்கக்கூடியதாகவும் ஆக்கியுள்ளான்; அது எந்த சந்தர்பத்தில் என்றால் ஒருவர் மற்றொரு நபருக்கு எதிராக, அனுமதிக்கப்பட்ட வரம்பை மீறிவிடும்போது அனுமதிக்கப்பட்டதாகும். அப்போது, அந்த சந்தர்பத்தில் நடக்கும் பழிவாங்கல் என்பது அல்லாஹ் அவனாலேயே பிரகடப்படுத்தப்பட்டதாகும்.

சிலர், தங்களுக்குள் இருக்கும் பலவீனத்தானால், பழிவாங்குவதற்குப் பதிலாக, மற்றவர்களை மன்னித்து, அந்த விஷயத்தை முடித்துக் கொள்ளலாம் என்று நினைக்கிறார்கள். அத்தகையோருக்கு மத்தியில் மன்னிக்க வேண்டும் என்ற ஆசையால் இதைச் சொல்லாமல், பயத்தின் காரணமாகக் கூறுபவர்களும் உள்ளனர்; அவர்கள் பழிவாங்குவதற்காக முன்னோக்கிச் செல்லும் போதெல்லாம் சிறு சில தண்டனைகளுக்கு அஞ்சுகிறார்கள். நான் கூறும் பழிவாங்குதல் என்பது அல்லாஹ் (தபாரக்) அனுமதிக்கும் எல்லைக்குள், (இறைநியதிகளுக்கு வெளியே அல்லாமல்) ஆன்மீக சட்டங்களின்படி மேற்கொள்ள வேண்டிய பழிவாங்குதலாகும்.

நாம் பனி இஸ்ராயீலின் உதாரணத்தை எடுத்துக்கொள்வோம்.அவர்களுக்கும் அதேப் போன்று தான் இருந்ததது. அவர்கள் ஃபிர்அவ்ன் மற்றும் ஃபிர்அவ்னை பின்பற்றியவர்கள் மீது பயங்கரமான அச்சம் கொண்டிருந்தனர். இதன் காரணமாகவே, தங்களுக்கு எதிராக நடத்தப்பட்ட அடக்குமுறைகளை எளிதில் மன்னிப்பார்கள். அவர்களுக்கு எந்த அளவுக்கு அச்சம் இருந்தது என்றால், ஹஸ்ரத் மூஸா (அலை) அவர்கள் வந்த போது, (அவர்களுக்கு) நடத்தப்பட்ட அடக்குமுறைகளுக்குப் பழிவாங்குவதை அன்னாரின் போதனைகளில் அதிக முக்கியத்துவம் கொடுத்தார்கள். இஸ்ரவேல் சந்ததியினருக்கு ஃபிர்அவுன் மீது அதிகமான பயம் இருந்ததால் அன்னாருக்கு அதைச் செய்ய வேண்டிய கட்டாயம் ஏற்பட்டது, மேலும் அன்னார் அந்த பயத்திலிருந்தும் அவர்களை விடுவிக்க வேண்டியிருந்தது [மேலும், கண்ணுக்குக் கண், பல்லுக்குப் பல் போன்றவற்றை அன்னார் அவர்களுக்குக் கற்றுக் கொடுத்தார்கள்]. எப்போது அவர்களின் இதயங்களில் கடுமைத்தனம் முழுமையாக நுழைந்து, எவ்வாறு மன்னிக்க வேண்டும் என்பதை மறந்துவிட்டார்களோ, அப்போதுதான் மஸீஹ் [ஈஸா (அலை)] அவர்கள் அவர்களிடத்து தோன்றி, மற்றவர்களை மன்னிக்கும்படி அவர்களுக்கு அறிவுறுத்தினார்கள் - எனவே, பழிவாங்க வேண்டாம் என்றார்கள். யாராவது அவர்களை கன்னத்தில் அடித்தால் [அவர்களுக்கு ஒரு அறை கொடுத்தால்], பின்னர் அவர்கள் மற்ற கன்னத்தையும் காட்டிட வேண்டும் என்று அன்னார் கற்பித்தார்கள். [சகிப்புத்தன்மையையும் பழிவாங்கும் போக்கை விட்டு வெளியேறவும் அவர்களுக்கு அன்னார் கற்றுக் கொடுத்தார்கள்].

இது வெவ்வேறு காலகட்டங்களுக்கான ஒரு தீர்வாகும். ஆனால் இது ஒரு உளவியல் பலவீனமாகும், சில சமயங்களில் இது சமுதாய பலவீனமாக மாறிவிடுகின்றது. அவர்களின் தீர்விலும் கூட, சில சமயங்களில் குணமடைய அதிகப்படியான நேரம் எடுத்துக் கொள்ளப்படுகிறது, ஒரு பலவீனம் சீர்திருத்தப்படும் போது, இதற்கிடையில் மற்ற வியாதிகள் வெளிப்படலாம். ஆனால் நான் குறிப்பிடுவது என்னவென்றால், நீங்கள் ஹஸ்ரத் முஹம்மது நபி (ஸல்) அவர்களிடத்திலிருந்து ஒழுக்கங்களைக் கற்றுக் கொண்டால், பின்னர் நீங்கள் அந்த ஒழுக்கங்களில் ஒருபோதும் வரம்புமீற மாட்டீர்கள் [எப்போது, எப்படி பழிவாங்க வேண்டும் அல்லது எப்போது மன்னிக்க வேண்டும் என்பதை நீங்கள் அறிவீர்கள்], ஏனென்றால் அன்னாருடைய ஒளி நடுத்தரமான சமநிலையான ஒளியாகும். அன்னாருக்கு "சஸிராத்தல் முஸ்தகீம்" (நேரான பாதை) வழங்கப்பட்டுள்ளது.

எனவே ஹஸ்ரத் முஹம்மது முஸ்தஃபா (ஸல்) அவர்களிடம் நீங்கள் கற்றுக் கொள்ளும் நல்லொழுக்கப்பண்பில், ஒவ்வொரு குறிப்பிட்ட சூழ்நிலைக்கு ஏற்ப உங்களுக்கு மன்னித்தலும் உண்டு, நீங்கள் பழியும் வாங்கலாம். எனவே, மன்னிப்பதோ அல்லது பழிவாங்குவதோ ஒரு மோசமான விஷயமாக இருக்காது. உண்மை என்னவென்றால், மன்னித்தல் வரம்பு மீறும்போது, அதன் விளைவாக அது தீங்கு விளைவிக்கும், மன்னித்தல் ஒரு நல்ல செயலுடன் இணைக்கப்பட்டிருந்தாலும், உண்மையில் இந்த சந்தர்ப்பத்தில் அது மோசமான ஒழுக்கத்துடன் இணைக்கப்பட்டுள்ளது. பழிவாங்க வேண்டிய அவசியம் இருந்தால், (அப்போது) நீங்கள் பழிவாங்கவில்லை என்றால், அந்த நேரத்தில் அது ஒரு நல்ல செயல் அல்ல; அது ஒரு பாவமாக, தீமையாக மாறிவிடும்.

ஆகவே, ஹஸ்ரத் முஹம்மத் முஸ்தபா (ஸல்) அவர்களின் மூலமாகவே அன்றி எந்த முன்னுதாரணத்தையும், ஒழுக்கத்தையும் கற்றுக் கொள்ள இயலாது.மேலும் எல்லா ஒழுக்க நெறிகளிலும், எல்லா நல்ல நடத்தைகளிலும், ஹஸ்ரத் நபி (ஸல்) அவர்கள் நடுநிலையான வழியைக் கடைப்பிடித்தார்கள். சில சமயங்களில் நீங்கள் மன்னிப்பின் நிலையில் அல்லது மற்றொரு சமயம் பழிவாங்குதலின் நிலையாக இருந்தாலும் சரி நபிகள் நாயகம் (ஸல்) அவர்களைப் பின்பற்றுவதில் எந்த ஒரு ஆபத்தும் இல்லை (ஒருபோதும்) இல்லை. அதன் பிறகு நீங்கள், உங்களுக்கிடையில் உங்களது இணைப்புகள் / பிணைப்புகளை நீங்கள் ஏற்படுத்தும்போது, அந்த நேரத்தில் இது உங்களது பிணைப்பை/ தொடர்பினை அதிகரிக்க உதவும், மேலும் இது மற்ற மக்களுடனும் (உலகின் பிற நாடுகளுடனும்) உங்களது பிணைப்பினை நிலைநிறுத்துவதற்கான வழிமுறையாக இருக்கும். இன்ஷா அல்லாஹ். ஆமீன்.

அல்லாஹ்வின் கயிறு பாகம் - 1 

Read More

அல்லாஹ்வின் கயிறு (பாகம்-1)

"இன்னும், நீங்கள் எல்லோரும் அல்லாஹ்வின் கயிற்றை வலுவாக பற்றிப் பிடித்துக் கொள்ளுங்கள். நீங்கள் பிரிந்தும் விடாதீர்கள். அல்லாஹ் உங்களுக்குக் கொடுத்த நிஃமத்களை (அருள் கொடைகளை) நினைத்துப் பாருங்கள். நீங்கள் பகைவர்களாய் இருந்தீர்கள் - உங்கள் இதயங்களை அன்பினால் பிணைத்து, அவனது அருளால் நீங்கள் சகோதரர்களாய் ஆகிவிட்டீர்கள். இன்னும், நீங்கள் (நரக) நெருப்புக் குழியின் கரை மீதிருந்தீர்கள். அதனின்றும் அவன் உங்களைக் காப்பாற்றினான் - நீங்கள் நேர் வழி பெறும் பொருட்டு அல்லாஹ் இவ்வாறு தனது (இறை) வெளிப்பாடுகளை உங்களுக்கு தெளிவாக்குகிறான். (ஆல இம்ரான் 3:104)

மேலே கண்ட திருக்குறான் வசனத்தை ஓதிக்காட்டியவர்களாக, ஹஸ்ரத் கலிஃபத்துல்லாஹ் முனீர் அஹமது அஜீம் (அலை) அவர்கள் இவ்வாறு விளக்கம் அளிக்கிறார்கள்.

"அல்லாஹ் திருக்குரானில் கூறுகிறான், ஒன்றுபட்ட ஓர் உடல் போன்று ஒன்றிணைந்து அல்லாஹ்வின் கயிற்றைப் பற்றி பிடித்துக்கொள்ளுங்கள். ஒவ்வொருவராக அல்ல! மாறாக, அதனை கூட்டாக ஒன்றிணைந்து பற்றிப் பிடித்துக்

கொள்ளுங்கள். உண்மையில், நான் உங்கள் முன் தற்போது ஓதிக் காட்டிய இவ்வசனத்தில் அல்லாஹ் கயிற்றை வெறுமனே "பிடி அல்லது "பற்றிக் கொள்" என்று குறிப்பிடவில்லை. மாறாக கயிற்றை ஒன்றிணைந்து கூட்டாக "உறுதியாகப் பிடித்துக் கொள்ளுங்கள். அதாவது இறுக்கமாக பற்றிப் பிடித்துக் கொள்ளுங்கள்" என்று கூறுகிறான். 'நாங்கள் நல்ல முஸ்லிம்கள் ஆவோம், நாங்கள் குர்ஆனை உறுதியாகப் பற்றி பிடித்துக் கொண்டுள்ளோம். அல்லாஹ் கூறி உள்ளதையெல்லாம் செய்கிறோம். அல்லாஹ் தடை செய்துள்ள எல்லா வற்றையும் செய்யாமல் இருக்கிறோம். ஒவ்வொரு போதனையையும் பின்பற்றுகிறோம். அப்படியிருக்க, ஒரு சமூகத்தின் தேவை எதற்காக?, எதனால் நாம் நம்மை நம்பிக்கை கொண்டவர்களின் ஒரே சமூகமாக, ஒரு ஜமாத்துடன் இணைந்திருக்க வேண்டும்?’ என்று கூறி வருகின்ற பலருக்கும், திருக்குரான் ஒரே வார்த்தையில் பதில் வழங்குகிறது. திருக்குர்ஆனைத் தொட்டு பற்றிப் பிடிப்பதற்கு நீங்கள் தனித்தனியாக நின்று கையை விரித்தால் மட்டும் போதாது என்று அல்லாஹ் கூறுகிறான். அல்லாஹ்வின் ஏகத்துவம் இந்த முழு உலகிலும் வெளிப்படும் வகையில், நீங்கள் இந்த வேதத்தை ஒன்றிணைந்து கூட்டாக, ஒரே ஜமாஅத் ஆக இருந்து பற்றிப்பிடித்துக் கொள்ள வேண்டும். அல்லாஹ் ஒருவனாக இருப்பது போன்றே, அவன் மீது நம்பிக்கை கொண்டுள்ள மக்கள் அனைவரும் கூட ஒன்றாக, ஒற்றுமையாகவே இருக்க வேண்டும்.

உங்கள் அனைவருக்காகவும், திருக்குர்ஆனை நேரடியாக நடைமுறைப் படுத்துவதற்காகவும், இந்த விஷயத்தை ஹஸ்ரத் முஹம்மது முஸ்தபா (ஸல்) அவர்களது மேற்கோளுடன் விளக்குகிறேன். அதற்கு ஒருவர் நேரடியாக குர்ஆனைப் பற்றிய ஞானத்தைப் பெற்றால் மட்டுமே அது சாத்தியமாகும். திருகுர்ஆனும், நபி (ஸல்) அவர்களும் நமக்குக் கட்டளையிட்டுள்ள அனைத்தையும் மேற்கொள்வதற்கும், அவர்கள் தடை செய்தவற்றிலிருந்து விலகியிருப்பதற்கும், திருகுர்ஆனைப் பற்றிய ஆழமான ஞானம் அவசியமாகும். அந்த போதனைகளை அல்லாஹ் விரும்புகின்ற வழியில் நடைமுறைப்படுத்துவதற்கு, இந்த ஆழமான ஞானத்தை நாம் பெற்றிருக்க வேண்டும்.

இந்த ஆழமான ஞானம் உங்களிடம் இல்லையென்றால், நீங்கள் கடைபிடிப்பதற்கு அவசியமற்ற விஷயங்களையும், இன்னும் கடைபிடிக்கின்ற அவ்வாறான விஷயங்களை எவ்வாறு நிறுத்துவது, அதற்கு என்ன செய்ய வேண்டும் மற்றும் அவற்றை எவ்வாறு நிறைவேற்றுவது என்பதையெல்லாம் உங்களால் புரிந்து கொள்ள முடியாது;

அது தவிர, குர்ஆனில் ஓர் ஆன்மா உள்ளது அதாவது (குர்ஆனின் ஆன்மா). பலர் இந்த ஆன்மாவை நேரடியாகப் பெறுவதில்லை. இந்த ஆன்மாவானது ஹஸ்ரத் முஹம்மது முஸ்தபா (ஸல்) அவர்களின் ஆன்மாவுடன் ஒன்றாக சேர்க்கப்பட்டுள்ளது. ஆகவே, உண்மையில், இது இரண்டு பெயர்களால் அறியப்படக் கூடிய ஒன்றும், ஒரே பொருளை, அதாவது திருக்குர்ஆனையும், மற்றும் முஹம்மது நபி (ஸல்) அவர்களையும் குறிக்கக்கூடியதுமாகும்.

நீங்கள் அன்னாரை திருக்குர்ஆன் என்று அழைத்தாலும் சரி, முஹம்மது நபி (ஸல்) என்று அழைத்தாலும் சரியே, அவை இரண்டும் ஒன்றுதான்.

உதாரணமாக, ஹஸ்ரத் ஆயிஷா (ரலி) அவர்களிடம் ஹஸ்ரத் முஹம்மது நபி (ஸல்) அவர்களின் "ஸீரத்" அதாவது வாழ்க்கை மற்றும் குண நலன்கள் குறித்துக்

கேட்கப்பட்டபோது, அவர்கள் அதனை ஒரு சிறிய வாக்கியத்தில் விவரித்தார்கள். அதே நேரத்தில், அவர்கள் கூறியவற்றின் உண்மையான ஆன்மாவையும் வெளிப்படுத்திக் காட்டினார்கள் அதாவது, "நிச்சயமாக, அல்லாஹ்வின் நபியின் குணநலமானது திருக்குர்ஆனாக இருந்தது." (ஆதாரம்: முஸ்லிம்) அல்லது அன்னார் ஒரு "நடமாடும் திருக்குர்ஆனா"கவே திகழ்ந்தார்கள் என்று குறிப்பிட்டார்கள்.

ஹஜ்ரத் ஆயிஷா(ரலி) அவர்கள், தங்களிடம் கேள்வி கேட்டவரிடம், அன்னாரது குணத்தை திருக்குர்ஆனில் தேடுமாறு கூறவில்லை.

மாறாக அன்னை ஆயிஷா(ரலி) அவர்கள் அன்னாரது குணநலமானது திருக்குர்ஆனாகவே இருந்தது என்று கூறினார்கள். அன்னார் திருக்குர்ஆனின் உருவகமாகவும், எடுத்துக்காட்டாகவும் திகழ்ந்தார்கள். திருக்குர்ஆனே அன்னாராவார்கள். அதனால்தான் நபிமார்கள் வர வேண்டும் என்று நாம் கூறுகிறோம், ஏனென்றால்

திருக்குர்ஆனை, அதனைக் கற்பிப்பதற்கு எந்த ஒரு தீர்க்கதரிசியும் இல்லாமலேயே, அதனை உறுதியாக பற்றிப் பிடித்துக் கொள்ளுங்கள் என்று கூற முடியாது. நீங்கள் திருக்குர்ஆனைப் பற்றி பிடித்துக் கொண்டீர்கள் என்றும் அதன் காரணமாகவே உங்களுக்கு எந்த நபியும் அவசியமில்லை என்றும் கூறி விட முடியாது. சில சமயங்களில் நபியின் மீதான பிணைப்பு மற்றும் பந்தமானது, நபியின் மீதான உருவகமான அன்பின் மூலம் உருவாக்கப்படுகிறது. சில நேரங்களில் நீங்கள் நபியின் பெயரில் தியாகங்களை செய்கின்றீர்கள். சில சமயங்களில் நபிக்காக உங்கள் உயிரையே தியாகம் செய்கின்றீர்கள். இன்னும் சில சமயங்களில், நீங்கள் குற்றவியல் ரீதியாகக் கூட, மற்றவர்களின் உயிர்களையும் பறிக்கின்றீர்கள். நீங்கள் அதைச் செய்யும்போது, நீங்கள் எம்பெருமானார் நபிகள் நாயகம் (ஸல்) அவர்களுடன் ஒரு பிணைப்பை மற்றும் ஒரு பந்தத்தை ஏற்படுத்திவிட்டீர்கள் என்பதாகவும் நினைக்கின்றீர்கள். மேலும் நீங்கள் ஒரு குறிப்பிட்ட நேரத்திற்காக மட்டும் சில உற்சாகத்தையும், அன்றாட வாழ்வின் போது ஒரு மரியாதை உணர்வையும் வெளிக்காட்டுகின்றீர்கள், நீங்கள் நபியுடன் அந்த இணைப்பையோ அல்லது பந்தத்தையோ ஏற்படுத்தியிருக்கவில்லை.

ஆகவே, அந்த இணைப்பை ஏற்படுத்திக் கொள்ள, ஒரு குறிப்பிட்ட தொடர்பு, ஒரு குறிப்பிட்ட பாதை உள்ளது. அப்படிப்பட்ட இந்த தொடர்பின் மூலம் மட்டுமே அன்னாருடன் இணைப்பை ஏற்படுத்திக் கொள்ள முடியும்.

ஒரு நபர் அல்லது ஒரு ஜமாத் அல்லது முழு உம்மத் ஹஸ்ரத் முஹம்மது முஸ்தபா (ஸல்) அவர்களுடன் அந்த தொடர்பை ஏற்படுத்திக் கொள்ளவில்லை என்றால், அவர்களால் திருக்குர்ஆனுடனும் உண்மையான தொடர்பினை ஏற்படுத்தி கொள்ள முடியாது. அவர்களால் உண்மையில் திருக்குர்ஆனைப் புரிந்துகொள்ளவும் முடியாது. திருக்குர்ஆன் மீது அவருக்கு அல்லது அவர்களுக்கு உண்மையான நேசம் இருக்கவும் முடியாது. ஏனெனில் திருக்குர்ஆன் மீது நேசம் கொள்ள, ஹஸ்ரத் முஹம்மது முஸ்தபா (ஸல்) அவர்களின் சிறந்த ஒழுக்கப் பண்புகளை பெற்றிருப்பது அவருக்கு அவசியமாகும். ஏனென்றால் அப்படிப்பட்ட அந்த சிறந்த ஒழுக்கப் பண்புகளே நேசத்தின் சுடரைப் பற்றவைக்க முடியும். அப்படிப்பட்ட இந்த நேசம் இல்லாமல், நீங்கள் திருக் குர்ஆனைப் பற்றி பேசினாலும், அந்த பேச்சுகள் வீணானதாகவே அமையும். அது யதார்த்தத்துடன் அல்லது உண்மையுடன் எந்த தொடர்பும் இல்லாத பயனற்ற பேச்சுகளாகவே இருக்கும்.

நீங்கள் ஹஸ்ரத் முஹம்மது முஸ்தபா (ஸல்) அவர்களின் உண்மையான இணைப்பின்றி பிரிந்திருந்தால், உங்களால் திருக்குர்ஆன் மீதும், நபி (ஸல்) அவர்கள் மீதும் உண்மையான நேசத்தை பெற்றுக் கொள்ள இயலாது. அது ஒன்றுக்கொன்று பிரிக்க இயலாத ஒரே பொருளின் இரண்டு பெயர்கள் ஆகும்.

ஆக, பொதுவாகவே மக்களுக்கு, நபிகள் நாயகம் (ஸல்) அவர்கள் மீது மட்டுமன்றி, அன்னாருடைய ஒவ்வொரு ஒழுக்கக் குணங்களின் மீதும் நேசம் கொண்டிருக்க வேண்டும். அன்னாரது ஒழுக்க குணங்களின் மீது நீங்கள் நேசம் செலுத்துகின்ற தருணத்திலிருந்தே, நீங்கள் அந்த குணங்களை ஏற்று செயல்படுத்த இயலும். அவ்வாறு இல்லையென்றால், ஹஸ்ரத் முஹம்மது முஸ்தபா (ஸல்) அவர்களின் ஒழுக்கப் பண்புகளை நீங்கள் பின்பற்ற விரும்பினாலும் கூட, நீங்கள் அதனை எவ்வாறு மேற்கொள்ள இயலும்? ஆனால் இந்த ஒழுக்க குணங்களை நீங்கள் ஏற்றுக்கொண்டு செயல்படுத்தும் தருணத்திலிருந்தே ஓர் இணைப்பு மற்றும் தொடர்பு நிறுவப்பட்டு விடுகிறது. அதே காரணத்தினால் தான், ஒருவர் மற்றொரு நபருடன் மகிழ்ச்சியுடன் இருந்தால், அந்த நபரின் நல்ல பழக்கவழக்கங்களையும் குணங்களையும் ஏற்றுக்கொள்ளும் வகையில் அவர் அதை மேற்கொள்ளவும் வேண்டும். அதே காரணத்திற்காகவே ஒரே மாதிரியான ஒழுக்க குணங்களைக் கொண்டுள்ள அனைத்து மக்களும் ஒரு தொடர்பினை உணர்கின்றார்கள். அவர்கள் நெருக்கமாக உணர்வதால், ஒன்றாக நெருங்கி வருகின்றார்கள்.

பொய்யர்களைப் பொறுத்தவரை, அவர்கள் எப்போதும் தங்களைப் போன்ற பொய்யர்களுடன் நெருக்கமாக இருக்கின்றார்கள். உண்மையுடனும், உண்மையாகவும் நடப்பவர்கள் எப்போதும் உண்மையின் மீது இருப்பவர்களுக்கு நெருக்கமானவர்கள் ஆவார்கள். மனிதசமுதாயத்தை நேசிக்கக் கூடியவர்கள் அனைவரும் இயற்கையாகவே ஒன்றிணைந்து கொள்வார்கள். அவ்வாறு தான், வெவ்வேறான விஷயங்களின் அழகினை வெளிப்படுத்துபவர்கள் இருந்தால், அவர்கள் அனைவரும் அந்தந்த விஷயங்களின் ஒன்றிணைந்த குழுவாக இணைந்து கொள்வார்கள்.

உதாரணமாக, ஒரு கலை நிபுணர் தன்னைப் போன்ற மற்ற கலை நிபுணர்களுடன் நெருங்கி வருவார். பறவைகள் கூட, ஒரே இயல்புடையவையாக இருந்தால் அவை ஒன்றாகக் குழுவாகி விடும்.

எனவே ஹஸ்ரத் முஹம்மத் முஸ்தஃபா (ஸல்) அவர்களுடன் ஒன்று சேர்ந்து ஒன்றாகி விடுவது என்பது ஒரு கற்பனை கதையல்ல. நீங்கள் இந்த மேன்மையான ஒழுக்கங்களை, இந்த மேன்மையான நடத்தைகளை கடைப்பிடிப்பீர்கள் என்றால், நீங்கள் ஹஸ்ரத் முஹம்மது முஸ்தஃபா (ஸல்) அவர்களுடனான நெருக்கத்தைப் பெற்றுக் கொள்வீர்கள், அதற்குப் பகரமாக நீங்கள் ஹஸ்ரத் முஹம்மது முஸ்தஃபா (ஸல்) அவர்களின் நேசத்தை வெல்வீர்கள். அந்த நேசமானது அல்லாஹ்விடம் இருந்து வருகின்ற நேசமாகும். அது அல்லாஹ்வின் மூலமே அனைத்து நேசமும் வெளிப்படுகிறது என்பதே இதற்கு காரணமாகும். மேலும் அதே விதத்தில், ஹஸ்ரத் முஹம்மது முஸ்தஃபா (ஸல்) அவர்களுடனான உங்கள் தொடர்பும் தொடர்ந்து அதிகரித்துக் கொண்டே இருக்கும். இதுவே 

وَاعْتَصِمُوا بِحَبْلِ اللَّهِ "வ'-தஸிமூ பி-ஹப்லில்-லாஹ்"

என்பதன் உண்மையாகும். இந்த உண்மையை நீங்கள் மறந்தீர்கள் என்றால், இந்தக் கயிற்றை எவ்வாறுப் பற்றி இறுக்கப் பிடித்துக் கொள்வது என்பதை நீங்கள் அறியமாட்டீர்கள். அவ்வாறு இல்லையென்றால், திருக்குர்ஆனைப் பற்றிபிடித்துக் கொள்ள வேண்டிய அவசியம் மட்டுமே உள்ளது. அதனால் ஒற்றுமைக்கான அவசியம் இல்லை என்று கூறுபவர்கள் ஏராளமானவர்கள் இருக்கின்றார்கள். இது உண்மை அன்று! ஒற்றுமை தேவைப்படுகிறது.

எனவே, இஸ்லாம், இஸ்லாத்தின்

போதனைகள், திருக்குர்ஆனின் வசனங்கள் அதுவும் குறிப்பாக அல்லாஹ்வின் கயிற்றைப் பற்றிப்படித்துக் கொள்ளுதல் பற்றிய வசனத்தை எவ்வாறு விளக்குவது என்பதை நாம் அனைவரும் அறிந்திருக்க வேண்டும்.

இது ஒரு சமூகத்தின் ஒற்றுமையை மட்டும் குறிக்காது, மாறாக இது ஒரு உம்மத்தின் ஒற்றுமையை, அனைத்து முஸ்லிம்களின் ஒற்றுமையை, இஸ்லாத்தின் ஒற்றுமையை குறிக்கிறது. ஏனெனில் இந்த வசனத்தில் ஒரு சமுதாயம் பற்றிய-முஸ்லிம்கள் ஒரே சமுதாயமாக ஒன்றுபட்டது பற்றிய குறிப்பு உள்ளது. ஒவ்வொரு நபரும் தனித்தனியாக குர்ஆனைப் இறுக்கமாகப் பற்றிப் பிடித்துக் கொள்ள வேண்டும் என்பது இதற்கு பொருள்படாது. மாறாக, குர்ஆன் அனைத்து மக்களையும் ஒரே கையில் அல்லாஹ்வின் கரத்தில் ஒன்று திரட்டுகிறது. அது ஹஸ்ரத் முஹம்மது முஸ்தஃபா (ஸல்) அவர்களின் கரமாகும் அன்னார் அல்லாஹ்விடமிருந்து வந்த, அவனுடைய பிரதிநிதி ஆவார்கள்.

மேலும் அது, அதாவது திருக்குர்ஆன், ஹஸ்ரத் முஹம்மது முஸ்தஃபா (ஸல்) அவர்களுடன் தொடர்புடைய, பிரிக்க முடியாத பிணைப்பைக் கொண்ட "ரூஹூல் குத்தூஸுடன் எழுப்பப்பட்ட அல்லாஹ்வின் தூதர்" ஒருவரின் கையில் மக்களை ஒன்று சேர்க்கிறது.

திருக்குர்ஆன் அழைக்கக் கூடிய சமூகம் இதுவேயாகும். ஏனெனில் அல்லாஹ்வின் கயிற்றை உறுதியாகவும் ஆனால் ஒற்றுமையுடன் அதாவது ஒரே உடல் போன்று பற்றி பிடித்துக்கொள்வது குறித்து இது வலியுறுத்துகிறது.

இந்தக் கயிற்றை நாம் எவ்வாறு உறுதியாகப் பற்றிப் பிடிப்பது? நான் இதை விரிவாகக் குறிப்பிடுகிறேன் அதாவது ஹஸ்ரத் முஹம்மத் முஸ்தஃபா (ஸல்) அவர்களுடனான நமது பிணைப்பை அதிகப்படுத்திக் கொள்ள வேண்டும். ஒற்றை இணைப்பு போதுமானதன்று. ஈமான் அதாவது நம்பிக்கை மூலம் பெறப்படும் பிணைப்பும் உள்ளது. நம்பிக்கையின் இணைப்பைப் பெற்ற பின்னர், அந்த நொடியில், ஒருவர் மற்ற இணைப்புகளை நிலைநிறுத்துவதற்காக மற்ற தேவைகளையும் நிறைவேற்ற வேண்டும்.

உண்மையைப் பேசியவர்களில் ஹஜ்ரத் முஹம்மத் முஸ்தஃபா (ஸல்) அவர்களே மிகவும் உண்மையாளர் ஆவார்கள். 

எனவே, அந்த உண்மையாளரை நீங்கள் நேசிக்கின்ற, அதே வேளையில் நீங்கள் உண்மையை வெறுத்தால், பின்னர் அந்த நொடியில் நீங்கள் ஒரு பொய்யராகி விடுவீர்கள். நபிகள் நாயகம் (ஸல்) அவர்கள் பொய்யர்களிடையே நிலைத்து நிற்பது என்பதும், அவ்வாறான மக்கள் சாந்தியையும் சமாதானத்தையும் பெற்றுக் கொள்வது என்பதும் சாத்தியமற்றதாகும். அல்லாஹ் அவ்வாறான மக்களுக்கு ஹஸ்ரத் முஹம்மத் முஸ்தஃபா (ஸல்) அவர்களின் உண்மையான தொண்டர்களுடன் ஒன்றிணைந்து இருப்பதற்கோ அல்லது அன்னாரது உண்மையான தொண்டர்கள் ஆவதற்கோ வாய்ப்பு கூட வழங்குவதில்லை.

எனவே, ஹஸ்ரத் முஹம்மத் (ஸல்) அவர்களுடன் ஒன்றிணைவதைப் பொறுத்தவரை, அது அனைத்து சகாப்தங்களையும் விட மேலான ஒரு விஷயமாகும். இது வெறும் ஒரு சகாப்தத்தை மட்டும் குறித்ததல்ல.

ஒவ்வொரு காலகட்டத்திலும், மக்கள் தாங்களாகவே ஒன்றுகூடி ஹஸ்ரத் முஹம்மது முஸ்தஃபா (ஸல்) அவர்களுடன் இணைந்து கொள்ள வேண்டிய தேவை உள்ளது. அவர்கள் ஹஸ்ரத் முஹம்மது முஸ்தபா (ஸல்) அவர்களின் மேன்மையான நடத்தையையும், மேன்மையான ஒழுக்கங்களையும், கடைப்பிடிக்க வேண்டும். நீங்கள் ஹஸ்ரத் முஹம்மது முஸ்தபா (ஸல்) அவர்கள் சிறியவர்களிடம் கருணை காட்டுவதை கண்டால், அவர்களுடைய முன்மாதிரியைப் பின்பற்றுங்கள், மேலும் அந்த மேன்மையான நடத்தையை உங்களுக்குள்ளும் மற்றவர்களிடமும் பிரதிபலித்து வெளிப்படுத்திக் காட்டுங்கள். ஹஸ்ரத் முஹம்மது முஸ்தபா (ஸல்) அவர்களுக்கு வயதானவர்கள் மற்றும் இளைஞர்கள் ஆகிய இருதரப் பினரிடமும் மரியாதை இருந்தது. அவர்கள் எப்போதும் தியாகம் செய்யக் கூடியவர்களாகவே இருந்தார்கள். அவர்கள் ஒரு அசாதாரணமான மனிதராக இருந்தார்கள். ஹஸ்ரத் முஹம்மது முஸ்தஃபா (ஸல்) அவர்களின் அந்த நல்ல குணங்கள் அனைத்தையும் அறிந்திருந்த பின்னரும் கூட, நீங்கள் அந்த நல்ல குணங்களை விட்டு விலகி வெகு தொலைவில் உள்ளீர்கள் என்றால் - நீங்கள் ஹஸ்ரத் முஹம்மத் முஸ்தஃபா (ஸல்) அவர்களுக்கு நெருக்கமானவர் என்று நம்புகிறீர்கள் என்றால், அந்த நொடியிலேயே அது உங்களுடைய முழுமையான கற்பனையாகவே இருக்கும். அது ஒருபோதும் உண்மையல்ல!

ஹஸ்ரத் முஹம்மது முஸ்தஃபா (ஸல்) அவர்களைப் பற்றி பேசும் போதோ அல்லது அன்னாரின் மீது தரூத் ஓதும் போதோ அவர்களின் நினைவாக உங்கள் கையை முத்தமிட்டு உங்கள் நெஞ்சை தொடுவது அல்லது நீங்கள் "நாரே தக்பீர்" என்று கூறி ஹஜ்ரத் முஹம்மது முஸ்தஃபா (ஸல்) அவர்களின் நபித்துவத்தின் மகத்துவத்தை உறுதிப்படுத்துவதே போதுமானது என்று நினைத்து விடாதீர்கள்.

இல்லை!, அது போதுமானதல்ல!. நீங்கள் அதை மட்டும் செய்து விட்டாலே ஹஸ்ரத் முஹம்மது முஸ்தஃபா (ஸல்) அவர்களிடம் நெருங்கிவிடுவீர்கள் என்று நினைத்து விடாதீர்கள். இதை போன்று, நீங்கள் வெறும் "அல்லாஹு அக்பர்" என்று கூறினாலே, இது உங்களை அல்லாஹ்விற்கு அருகில் கொண்டு சென்று விடாது.

நீங்கள் உங்களுக்குள் அல்லாஹ்வின் பண்புகளை வெளிப்படுத்தும் போது, அதுவே உங்களை அல்லாஹ்விற்கு அருகில் அழைத்து சென்று விடுகிறது.

அல்லாஹ்வின் பண்புகளை தனக்குள் அதிகமாக வெளிப்படுத்திக் காட்டியவர் என்றால் அது ஹஸ்ரத் முஹம்மது முஸ்தஃபா(ஸல்) அவர்களே ஆவார்கள்.

எனவே அந்த நல்ல குணங்களைத் தேடிப் பார்த்து, அவற்றை கடைப்பிடித்து, முயற்சி செய்து அந்த குணங்களின் நேசத்தை பெற்றுக் கொள்வீராக!. எது போலவென்றால் ஹஸ்ரத் முஹம்மத் முஸ்தஃபா (ஸல்) அவர்களுடனான உங்கள் பிணைப்பை அல்லது தொடர்பை அதிகரிக்கும் அதாவது நன்றாக நிலைநிறுத்தும். ஹஸ்ரத் முஹம்மது நபி (ஸல்) அவர்களின் குணங்களைப் பின்பற்றுவதன் மூலம், ஹஸ்ரத் முஹம்மது முஸ்தபா (ஸல்) அவர்களுடனான தனது பிணைப்பை ஏற்படுத்திக் கொள்ளக் கூடிய ஒருவரால், தனது சகோதரர்களிடம் இருந்து பிரிந்து இருந்திட முடியாது; ஏனெனில் அவருடைய அதாவது இந்த நபரின் நல்ல குணங்கள் மூலம் இவர்கள் அனைவரும் ஹஸ்ரத் முஹம்மது (ஸல்) அவர்களுடன் நெருக்கத்தைப் பெற்றுக் கொள்கிறார்கள். எனவே, அவர்களும் உங்களைப் போலவே, தங்களுக்குள்ளேயும் அந்தக் குணங்களை வெளிப்படுத்தத் தொடங்குகிறார்கள். அந்த நொடியில், நீங்கள் ஹஸ்ரத் முஹம்மது நபி (ஸல்) அவர்களுடன் நெருக்கத்தைப் பெறுவதோடு மட்டுமல்லாமல், அதே வேளையில், உங்கள் சகோதரர்கள் அனைவருடனும் கூட நீங்கள் நெருங்கிவிடுவீர்கள். 

ஹஸ்ரத் முஹம்மது முஸ்தபா (ஸல்) அவர்களின் மேம்பட்ட ஒழுக்கப் பண்புகளை வெளிப்படுத்தவும், ஆன்மீகப் பண்புகளும் அதே போன்று திருக்குர்ஆனும் உங்களுக்குள் பிரதிபலிக்கவும் அல்லாஹ் உங்கள் அனைவருக்கும் - எனது அனைத்து ஸஹாபாக்களுக்கும் மற்றும் இந்த ஒட்டுமொத்த உம்மத்திற்கும் உதவி புரிவானாக!. 

ஹஸ்ரத் முஹம்மது முஸ்தபா (ஸல்) அவர்களின் பல நடைமுறைகளிலும், அவர்களது பல நல்லொழுக்கங்களையும் நீங்கள் பின்பற்றும் போது, நீங்களும் மேன்மையுடையவர்களாக ஆகிவிடுகிறீர்கள். மேலும் அந்த நொடியில் தான் உம்மத் ஒன்றுபட்டு சிறந்து விளங்கும். மேலும் பூமியின் அனைத்து மனிதர்கள் மற்றும் தீர்க்கதரிசிகள் மத்தியில், அல்லாஹ்வின் தூதர் ஹஸ்ரத் முஹம்மது முஸ்தஃபா (ஸல்) அவர்களின் இந்த பரிபூரணமான உதாரணத்தின் மூலம் நாம் ஒன்றுபட்டுள்ளோம் என்பதால் எதனாலும், எவராலும் நமது ஒற்றுமையை தகர்த்திட முடியாது, இன்ஷா அல்லாஹ், ஆமீன்.

ஆதாரம் : 4 ஆகஸ்ட் 2023 ஜும்மா குத்பா

தலைப்பு : அல்லாஹ்வின் கயிறு (பாகம் -1)

Read More

இக்காலமும் இறை தண்டனையும்

மக்களே! மார்க்த்தில் வரம்பு மீறுவதை விட்டும் உங்களை எச்சரிக்கிறேன். உங்களுக்கு முன்னால் வாழ்ந்தவர்களை அழித்ததெல்லாம் மார்க்கத்தில் வரம்பு மீறுவது தான்” என நபிகள் நாயகம் (ஸல்) அவர்கள் கூறினார்கள். அறிவிப்பவர்: இப்னு அப்பாஸ் (ரலி) ஆதாரம்: இப்னுமாஜா (3020)

இறைவனின் இறுதி வேதமான திருக்குரானில் பல்வேறு சமுதாயங்களுக்கு இறைவன் புறமிருந்து இறக்கப்பட்ட தண்டனைகள் பற்றி எடுத்துரைக்கப்பட்டுள்ளது.

பல்வேறு சமுதாயங்கள் வாழ்ந்ததற்கான எந்த சுவடுமின்றி முற்றிலுமாக அழிக்கப்பட்டுள்ளன, இது வெறும் வரலாறு மட்டும் தானா? தற்காலத்தில் இது போன்ற இறை தண்டனைகள் இறங்குவதில்லையா? மனித குலம் முற்றிலும் தூய்மை அடைந்துவிட்டதா? அல்லது அல்லாஹ் ஒவ்வொரு சமுதாயத்துடனும் இவ்வாறு பாரபட்சமாக நடந்து கொள்பவனா?

அல்லது இக்கால  பெயர் தாங்கி ஆலீம்கள் கூறுவது போன்று அனைத்து தண்டனைகளும் மறுமையில் மட்டும் தானா?

இக்காலத்தில் பேரழிவுகள் நடக்கவே செய்கின்றன, முற்காலத்தில் நிகழ்ந்தவை மட்டும் இறை தண்டனைகள் தற்கால பேரழிவுகள் அனைத்தும் இயற்கை சீற்றங்களா? 

அல்லாஹ் தன்னுடைய நடைமுறையை குறித்து திருக்குரானில் இவ்வாறு கூறுகின்றான்:-

63. سُنَّۃَ اللّٰهِ فِی الَّذِیۡنَ خَلَوۡا مِنۡ قَبۡلُ ۚ وَ لَنۡ تَجِدَ لِسُنَّۃِ اللّٰهِ تَبۡدِیۡلًا ﴿﴾

முன்னர் காலஞ்சென்றவர்களிடத்து அல்லாஹ்வின் செயல்முறை இதுவே. அல்லாஹ்வின் செயல்முறையில் எந்த மாற்றத்தையும் உம்மால் ஒருபோதும் காண முடியாது. ( திருக்குர்ஆன் 33: 63 )

இந்த வசனம் அல்லாஹ்வின் நடைமுறை நிலையானது என்பதை தெளிவுப்படுத்துகிறது, பிறகு இக்காலத்தில் இறை தண்டனை குறித்து முஸ்லீம் சமுதாயம் உட்பட அனைவரும் இத்தகைய அனைத்து நிகழ்வுகளையும் "இயற்கை சீற்றம்" என்று கூறுவதற்கான காரணம் தான் என்ன?

இதற்கு விடை மிக்க எளிதானதாகும் இவர்கள் காலத்தின் இமாம்களை மறுப்பதும் அந்த இறை அடியார்களுக்கு இறை புறமிருந்து கிடைக்கும் இறைவெளிப்பாடுகளுள் செய்யப்படும் முன்னறிவிப்புகளையும் மறுப்பதின் விளைவுகளாகும்.

முந்தைய சமுதாயங்களில் இறைவனின் நடைமுறை பற்றி திருக்குரான் வசனங்கள் உங்கள் பார்வைக்கு....

97. وَ لَوۡ اَنَّ اَهۡلَ الۡقُرٰۤی اٰمَنُوۡا وَ اتَّقَوۡا لَفَتَحۡنَا عَلَیۡهِمۡ بَرَکٰتٍ مِّنَ السَّمَآءِ وَ الۡاَرۡضِ وَ لٰکِنۡ کَذَّبُوۡا فَاَخَذۡنٰهُمۡ بِمَا کَانُوۡا یَکۡسِبُوۡنَ ﴿﴾

அந்த ஊர்களில் வாழ்ந்து கொண்டிருந்தவர்கள் நம்பிக்கை கொண்டு (இறை) அச்சத்தை மேற்கொண்டிருந்தால், நாம் வானங்களிலிருந்தும், பூமியிலிருந்தும் அவர்கள் மீது அருள்களின் வாயில்களைத் திறந்திருப்போம். ஆனால் அவர்கள் (நபிமார்களைப்) பொய்ப்படுத்தினர். எனவே நாம் அவர்களை அவர்களது செயல்களின் காரணமாகத் தண்டனையைக் கொண்டு பிடித்தோம். ( திருக்குர்ஆன் 7: 97)

131. وَ لَقَدۡ اَخَذۡنَاۤ اٰلَ فِرۡعَوۡنَ بِالسِّنِیۡنَ وَ نَقۡصٍ مِّنَ الثَّمَرٰتِ لَعَلَّهُمۡ یَذَّکَّرُوۡنَ ﴿﴾

ஃபிர்அவ்னின் இனத்தினர் அறிவுரையினைப் பெறும்பொருட்டு, (இன்னல் நிறைந்த) பல வருட வறட்சியினாலும் பழங்களின் குறைவினாலும் (குழந்தைகளின் மரணத்தினாலும்) நாம் அவர்களைப் பிடித்தோம். ( திருக்குர்ஆன் 7: 131 )

68. وَ اَخَذَ الَّذِیۡنَ ظَلَمُوا الصَّیۡحَۃُ فَاَصۡبَحُوۡا فِیۡ دِیَارِهِمۡ جٰثِمِیۡنَ ۙ﴿﴾

அநீதியிழைத்தவர்களை கொடுங்காற்று பற்றிக் கொண்டது. எனவே , அவர்கள் தங்கள் வீடுகளில் முகங்குப்புற விழுந்தனர் . ( திருக்குர்ஆன் 11: 68 )

65. فَکَذَّبُوۡهُ فَاَنۡجَیۡنٰهُ وَ الَّذِیۡنَ مَعَهٗ فِی الۡفُلۡکِ وَ اَغۡرَقۡنَا الَّذِیۡنَ کَذَّبُوۡا بِاٰیٰتِنَا ؕ اِنَّهُمۡ کَانُوۡا قَوۡمًا عَمِیۡنَ ٪﴿﴾

(ஆனால்) இதன் பிறகும் அவர்கள் அவரைப் பொய்யாக்கினர். எனவே நாம் அவரையும், அவரைச் சார்ந்தவர்களையும் ஒரு கப்பலில் காப்பாற்றினோம். நம்முடைய அடையாளங்களைப் பொய்யாக்கியோரை நாம் மூழ்கடித்து விட்டோம். அவர்கள் ஒரு பார்வையற்ற சமுதாயத்தினராக இருந்தனர். ( திருக்குர்ஆன் 7: 65 )

5. وَ کَمۡ مِّنۡ قَرۡیَۃٍ اَهۡلَکۡنٰهَا فَجَآءَهَا بَاۡسُنَا بَیَاتًا اَوۡ هُمۡ قَآئِلُوۡنَ ﴿﴾

நாம் எத்தனையோ ஊர்களை அழித்து விட்டோம். அவர்கள் இரவில் தூங்கும் போதோ, நண்பகலில் ஓய்வெடுக்கும் போதோ நம் தண்டனை அவர்களிடம் வந்தது. ( திருக்குர்ஆன் 7: 5 )

இவை சில உதாரணங்கள் மட்டுமே இன்னும் ஏராளமான வசனங்கள் உள்ளன, எனவே இவை வெறும் கதைகளோ அல்லது வரலாற்று சம்பவங்கள் மட்டும் அல்ல, இது இக்காலத்திலும் உயிருள்ள முன்மாதிரிகளாகும்.

இனி இக்காலத்தின் இமாம் ஹஸ்ரத் முனீர் அஹ்மத் (அய்) அவர்களால் கூறப்பட்ட இறை ஆக்கினை பற்றிய முன்னறிவிப்பையும் அது நிறை வேறிய சான்றுகளையும் முன் வைக்கின்றோம்.

O humanity, the decrees of God will be inevitably executed, and you will see the coming days as the days of Noah...” (Friday Sermon of 26 January 2018---08 Jamad'ul Awwal 1439 AH).

ஓ மனிதகுலமே, இறைவனின் கட்டளைகள் தடுக்க இயலாமல் நிறைவேற்றப்படும், மேலும் வரும் நாட்களை நூஹ்வின் நாட்களாக நீங்கள் காண்பீர்கள்...” (26 ஜனவரி 2018-08 ஜமாதுல் அவ்வல் 1439 ஹிஜ்ரி ஜும்மா குத்பா).

Read More